TIRANE- Në 3 muajt e fundit kurset e gjuhëve të huaja në Tiranë janë përballur me një fluks jo të zakonshmë të personave që duan të mësojnë gjermanisht. Të rinj por dhe të rritur kanë shfaqur një interes të lartë për të zhvilluar kursin e gjermanishtes në një periudhë afatshkurtër duke paguar shuma nga 20 deri në 80 mijë lekë.

Nga një vëzhgim i “shqiptarja.com” në 3 qëndra të kurseve në Kryeqytet, ka patur trefishim dhe katërfishim të personave që janë regjistruar për të mësuar gjuhën gjermane. Nëse 3 muaj më parë në një qëndër kursi regjistroheshin 3 persona, tashmë regjistrohen minimumi 9 persona, çdo 30 ditë. Ja 7 pyetjet që shpjegojnë interesin në rritje për të mësuar gjermanishten dhe sa mundësi kanë shqiptarët për të marrë azil në Gjermani.