POP 5

Lajmet më të lexuara të 5 minutave të fundit

Kronikë

Emrat e 206 të dëmtuarve nga
makinat,përfitojnë 230 mijë euro
PDF/Lista e plotë me emrat

Nuk janë paraqitur për të marrë dëmshpërblimet, që nga viti 2001 deri më 2013. Janë të paktën 206 përfitues nga Fondi i Kompensimit, të cilët kanë praktika të miratuara, por të papaguara që i takojnë periudhës 2002-2013 dhe kapin një vlerë 230 mijë euro, por përfituesit nuk ka qenë e mundur të kontaktohen deri më tani.  VIDEO
Byroja e Sigurimeve ka publikuar një listë me përfitues të dëmshpërblimeve si pasojë e aksidenteve me automjete. Janë të paktën 206 përfitues nga Fondi i Kompensimit, të cilët kanë praktika të miratuara, por të papaguara që i takojnë periudhës 2002-2013 dhe kapin një vlerë 230 mijë euro, por përfituesit nuk ka qenë e mundur të kontaktohen deri më tani.

Publikimi i listës u bë nga ana e Byrosë së Sigurimit pas kërkesës së Autoritetit të Mbikqyrjes Financiare.

Lista
Byroja u kërkon përfituesve të listës emërore që të paraqiten pranë zyrave të saj, shoqëruar me dokumentacionin përkatës, për të përfunduar me procedurat e pagesave. Nga ana e tij, Autoriteti i fton qytetarët që janë pjesë e listës së përfituesve të paraqiten pranë Byrosë. Për çdo problematikë apo për më shumë sqarime në lidhje me procesin, çdo qytetar mund të paraqitet pranë zyrave të AMF-së.

Autoriteti i Mbikëqyrjes Financiare mbetet shumë i angazhuar për mbrojtjen e konsumatorëve dhe rritjen e besimit të tyre në treg. AMF, ashtu siç ka vepruar përmes shumë vendimeve të marra gjatë vitit 2017, do të vazhdojë të fokusohet te mbrojtja e interesave të qytetarëve.

Për këtë arsye, Autoriteti e konsideron shlyerjen e detyrimeve të praprambetura që nga viti 2002, objekt i Fondit të Kompensimit ndër prioritetet kryesore të veprimtarisë së tij gjatë këtij viti” thuhet në njoftimin e AMF.

Pagesa e dëmeve
Kohët e fundit është rritur numri i zhdëmtimeve nga ana e siguruesve. Sipas statistikave më të fundit, gjatë muajit janar të këtij viti janë paguar gjithsej një vlerë prej 316 milionë e 855 mijë lekë dëmesh, që përbën një rritje në masën 9.76 për qind krahasuar me shifrën e paguar në janar të vitit 2017.

Numri i dëmeve të paguara në janar 2018 është 842 njësi më i lartë se një vit më parë dhe arrin shifrën 3.400, nga të cilat 3.273 janë paguar nga shoqëritë e sigurimit të Jo-Jetës dhe 127 të tjera nga ato të sigurimit të jetës dhe shëndetit.

Vitin e kaluar, kompanitë e sigurimeve paguan gjithsej rreth 5.5 miliardë lekë, ose 41 milionë euro dëme, 15.8% më shumë krahasuar me vitin 2016. Mbi 55% e totalit kanë shkuar për dëme të lidhura me sigurimet motorike. Raporti mes dëmeve dhe primeve u rrit në afro 34%, nga 28% që ishte një vit më parë. Sidoqoftë, ky raport ngelet ndër më të ulëtit në Europë.

Lista e plotë me 206 përfituesit

d.c./shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Augustin Palokaj: BE-ja vazhdon të improvizojë me Kosovën

Augustin Palokaj: BE-ja vazhdon të improvizojë me Kosovën

13 Janar, 17:35 nga Augustin Palokaj