EMRAT/ Shisnin drogë nëpër qytet, vihen në pranga 2 të rinj në Korçë! Në makinë iu gjetën doza kokaine

Dy persona janë vënë në pranga nga policia e Korçës, pasi në bashkëpunim me njëri-tjetrin shisnin kokainë në zona të ndryshme të qytetit.

Në kuadër të operacionit "Night Sales 7" u arrestuan Ervis Guri dhe Redjon Veri.

“Specialistët e Seksionit për Hetimin e Narkotikëve të DVP Korçë, në bashkëpunim me shërbimet e Komisariatit të Policisë Maliq, në vazhdën e operacioneve me fokus goditjen e veprimtarisë kriminale të shitjes së lëndëve narkotike, në doza, në zona të ndryshme të qarkut, finalizuan operacionin policor të koduar "Night sales 7", si rezultat i të cilit u arrestuan në flagrancë shtetasit E. G., 28 vjeç dhe R. V., 31 vjeç, të dy banues në fshatin Drithas, Maliq.Në bazë të informacioneve të siguruara nga inteligjenca policore, për veprimtarinë kriminale të këtyre 2 shtetasve, në kryqëzimin e unazës, Maliq, u ndalua automjeti me drejtues shtetasin R. V. dhe ku ishte pasagjer shtetasi E. G. Nga kontrolli i ushtruar në automjet u gjet një sasi lënde e dyshuar narkotike kokainë, e ndarë në doza të gatshme për shitje.Dozat e kësaj lënde narkotike, automjeti, 3 celularë dhe një shumë parash u sekuestruan në cilësinë e provës materiale.Materialet procedurale i kaluan Prokurorisë Korçë, për veprime të mëtejshme”, njofton policia.

LEXO EDHE:
Shtohet fluksi në dalje të Kapshticës, emigrantët shqiptarë kthehen në Greqi pas Pashkëve

 

M.T/Shqiptarja.com

TAG:
• Korce
• kokaine
• Redjon Veri
• Ervis Guri