POP 5

Lajmet më të lexuara të 5 minutave të fundit

Kronikë

EMRI/ Parandalohet krimi në familje në Vlorë, kanos gruan dhe qëllon me 'kallash' në ajër! Policia e kap në ndjekje, i sekuestrohet dhe kanabis! Momenti kur e shtrin përtokë

Ngjarja në fshatin Akërni, rrezikohen edhe banorët nga të shtënat. 48-vjeçari tentoi të arratisej me makinë, por forcat "Shqiponja" e bllokuan. I kapet mjeti, arma automatike, municioni dhe droga

Vlorë- Një 48-vjeçar është arrestuar sot (21 Shtator) nga Policia e Vlorës, pasi akuzohet se ka kërcënuar me jetë bashkëshorten e tij dhe më pas ka qëlluar me armë zjarri në ajër.

I ndaluari është Bujar Ismailaj, kurse ngjarja ka ndodhur në fshatin Akërni. Policia bëri me dije se “ka parandaluar një ngjarje të mundshme kriminale në familje”. Policia ndau edhe pamjet e kapjes, teksa shtriu përtokë të dyshuarin dhe e prangosi.

Burime zyrtare bënë me dije se i dyshuari pas krimit ka tentuar të arratisej me një makinë, teksa me vete kishte edhe një sasi lënde narkotike, që u sekuestrua në cilësinë e provës materiale.

I dyshuari gjithashtu ka vënë në rrezik edhe jetët e banorëve të fshatit teksa qëllonte me armën automatike “Kallashnikov”, që e mbante pa leje.

Arrestimi i Ismailajt u bë nga forca “Shqiponja”. Si provë u sekuestrua edhe arma automatike dhe një sasi municioni me fishekë.

“Pas marrjes së njoftimit në orët e mëngjesit (e shtunë, 21 Shtator)se një shtetas po kërcënonte për jetën bashkëshorten e tij duke qëlluar me armë zjarri në ajër, në fshatin Akërni, shërbimet e Komisariatit të Policisë Vlorë dhe ato të Forcës së Posaçme “Shqiponja” organizuan menjëherë punën për parandalimin e ngjarjes së mundshme kriminale dhe arrestimin e autorit”, njoftoi policia vendore.

Operacioni u kodua “Strike 22”, kurse dosja me materialet i kaluan Prokurorisë Vlorë për veprime të mëtejshme, me akuzat e kanosjes, dhunës në familje, armëmbajtjes pa leje dhe prodhimit dhe shitjes së lëndëve narkotike.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05