POP 5

Lajmet më të lexuara të 5 minutave të fundit

Kronikë

EMRI/ Po transportonte 8 emigrantë drejt Shkodrës, arrestohet 24-vjeçari në Fier! Ishte në kërkim për të njejtën veprimtari kriminale

Një 24-vjeçar është vënë në pranga nga Policia e Fierit, pasi u kap në flagrancë duke transportuar, kundrejt pagesës 500 euro për person, 8 emigrantë nga Nepali që synonin të kalonin kufirin. I riu ishte shpallur në kërkim nga policia për të njëjtën veprimtari kriminale të kryer rreth 1 muaj më parë.

Një 24-vjeçar është vënë në pranga nga Policia e Fierit , pasi u kap në flagrancë duke transportuar, kundrejt pagesës 500 euro për person, 8 emigrantë nga Nepali që synonin të kalonin kufirin. I riu ishte shpallur në kërkim nga policia për të njëjtën veprimtari kriminale të kryer rreth 1 muaj më parë.

Në kuadër të operacionit policor të koduar "Aksi", u vu në pranga Kristian Plaku.

Njoftimi I policisë:

Si rezultat i administrimit të menjëhershëm të informacioneve të siguruara nga inteligjenca policore, se një shtetas po transportonte emigrantë që synonin të kalonin kufirin ilegalisht, specialistët e Seksionit për Hetimin e Trafiqeve të Paligjshme dhe ata të Seksionit Operacional, të DVP Fier, në bashkëpunim me shërbimet e Komisariatit të Policisë Lushnjë, organizuan dhe finalizuan operacionin policor të koduar "Aksi", si rezultat i të cilit u vu në pranga shtetasi K. P., 24 vjeç, banues në Korçë.

Shtetasi K. P. u kap në flagrancë, në aksin rrugor "Lushnjë-Rrogozhinë”, teksa drejtonte një automjet tip “Benz”, me të cilin transportonte 8 emigrantë nga Nepali. Nga veprimet hetimore dyshohet se 24-vjeçari po i transportonte këta shtetas, drejt Shkodrës, kundrejt shumës 500 euro/person, në mënyrë që ata të kalonin kufirin, në kundërshtim me ligjin, drejt vendeve të BE-së.

Gjithashtu, nga verifikimet rezultoi se 24-vjeçari ishte i kërkuar nga Policia e Vlorës, pasi më datë 29.08.2023, në fshatin Vrion, ka braktisur automjetin tip “Range Rover” me të cilin transportonte emigrantë, me qëllim kalimin e kundërligjshëm të kufirit.

Automjeti tip "Benz" u sekuestrua me cilësinë e provës materiale, së bashku me 7 celularë.

Materialet procedurale i kaluan Prokurorisë Fier, për veprime të mëtejshme.

Lajmi në përditësim...

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Finalja kundër Interit, Conceiçao gjen Leaon: Milani kërkon trofeun, na duhet goli

Finalja kundër Interit, Conceiçao gjen Leaon: Milani kërkon trofeun, na duhet goli

5 Janar, 17:43