Nuk ka ndonjë marrëveshje konkrete në horizont mes Brukselit dhe Uashingtonit për subvencionet amerikane ndaj prodhimeve vendore. Takimi në SHBA nuk solli risi të mëdha.
Takimi i përfaqësuesve të lartë të SHBA-së dhe Bashkimit Evropian lidhur me mosmarrëveshjen për subvencionet amerikane ndaj prodhimeve vendore ka përfunduar pa rezultate të mëdha pozitive. Pas diskutimeve të këshillit të përbashkët të tregtisë dhe teknologjisë në College Park në shtetin amerikan të Merilendit, zëvendëspresidenti i BE-së, Valdis Dombrovskis shprehu optimizëm të kujdesshëm: “Ne po e lëmë këtë takim pak më optimist sesa para takimit”. Por ka “ende shumë për të bërë,” tha Dombrovskis.
“Rezultati më i rëndësishëm është ky: Ne jemi të vendosur të ecim përpara së bashku, jo në kurriz të njëri-tjetrit, por për përfitimin e njëri-tjetrit”, tha pas takimit Sekretari i Shtetit i SHBA-së, Antony Blinken. Ai mendon se dallimet do të tejkalohen. Një grup pune tashmë po merret me këto probleme dhe mosmarrëveshje. Shqetësimet e evropianëve merren seriozisht, tha Blinken.
Vetëm “Made in USA” me rëndësi!
Konflikti sillet rreth të ashtuquajturit Ligji për Reduktimin e Inflacionit (IRA) të presidentit amerikan Joe Biden. Ky ligj siguron 370 miliardë dollarë (rreth 357 miliardë euro) për mbrojtjen e klimës dhe sigurinë e energjisë – duke përfshirë subvencionet për makinat elektrike, bateritë dhe projektet e energjisë së rinovueshme “Made in USA”.
Subvencionet dhe kreditë tatimore janë të lidhura me kompanitë që përdorin produkte ose prodhime amerikane në Shtetet e Bashkuara. Prandaj evropianët e akuzojnë Uashingtonin për proteksionizëm. Ata kanë frikë nga disavantazhet për industritë lokale.
Franca përsëriti thirrjen e saj për subvencione të ngjashme të BE-së. Ministri francez i Ekonomisë dhe Financave, Bruno Le Maire deklaroi në Bruksel se Evropa duhet “të pajiset me të njëjtat mjete masive dhe efektive”, në mënyrë që të industrializojë përsëri kontinentin dhe ta bëjë ekonominë evropiane sa më miqësore me klimën./DW
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47
