Ministria e Financave dhe Ekonomisë po rishikon mundësinë për të alokuar fonde shtesë për të dhënë shpërblimin në fundvit për pensionistët. Fondi i ri, i cili duhet të kalojë për këto kategori, është në vlerën e 30 milionë dollarëve.
Deri më tani, Ministrja Anila Denaj nuk ka hedhur poshtë mundësinë për dhënien e bonusit në fundvit, por ka deklaruar se një vendim përfundimtar do të jepet vetëm në muajin dhjetor. Të njëjtën gjë ajo ka ripohuar edhe sot, pas prezantimit të Projekt Buxhetit të vitit 2020 në Komisionin e Veprimtarisë Prodhuese.
“Ky element ky zë në buxhet nuk ka qenë asnjëherë i parashikuar në janar, shkurt apo mars të çdo viti. Dhe kemi thënë që gjithmonë është parë në dhjetor, pasi është bërë një analizë se çfarë kursimesh janë përfituar, ne jemi akoma në nëntor.
Kështu që më lejoni të bëjmë një analizë, të përfundojmë buxhetin një herë, jemi duke parë të gjitha kursimet dhe në përfundim të saj do të themi brenda javës së parë të dhjetorit nëse mundemi apo jo. Bëhet fjalë 3 miliardë lekë sipas kalkulimeve tona, kështu që ne do të gjejmë nga kursimet tona një mundësi”, tha Denaj.
Treguesit e realizimit të zërave buxhetorë të muajit nëntor do të kenë një rol madhor në këtë vendimmarrje, nga e cila nuk do të përfitojnë vetëm pensionistët por edhe familjet në nevojë.
Bazuar në informacionet e dhëna nga Ministria e Financave vendimi për të dhënë bonusin apo jo, do të vendoset me VKM në javën e parë të muajit dhjetor, sikurse ka ndodhur vazhdimisht çdo vit. Marrja e një vendimi pozitiv nënkupton nxjerrjen e një akti të ri normativ, që do të ishte i dyti për këtë vit.
Burime nga Ministria e Financave pohojnë se po punohet për të dhënë shpërblimin prej 5 mijë lekësh, por nuk përjashtohet që shifra të jetë më e ulët.
Po ashtu, në këtë Akt Normativ nuk përjashtohet mundësia që të kemi edhe një rishikim të shifrave të rritjes ekonomike, që do të ishte e dyta për këtë vit. Në një rast të tillë, Ministria e Financave dhe Ekonomisë, mund të ulë parashikimin për rritjen e ritmit ekonomik, nga 3.5 për qind, në një nivel më të ulët se kaq.
Lajme të tjera
-
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
Komisioni i Ekonomisë/ Denaj për buxhetin 2025: Rrisim mbështetjen me subvencione të skemës për produktet, 4% më shumë buxhet nga viti i kaluar
13 Nëntor, 14:51 -
Denaj prezanton pr.buxhetin 2025: 15 miliardë lekë për bujqësinë dhe zhvillimin rural! Lançojmë skemën e Garancisë Sovrane në 2025
11 Nëntor, 12:32 -
Decentralizimi i shërbimeve bujqësore-Denaj: Marrëveshja me 4 bashki një shërbim dhe vendimmarrje më e mirë
22 Tetor, 15:10 -
Vlorë/ Ministrja Denaj prezanton Skemën Kombëtare të Investimeve në Bujqësi
21 Tetor, 17:05 -
Orban: Javën e ardhshme në Luksemburg Shqipëria hap negociatat për grup kapitullin e parë, ju përgëzoj! Rama: Hungaria, model për ne! 350 milionë euro investime
11 Tetor, 14:18 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Hapen aplikimet, fermerët 5 javë për të bërë gati dosjet! Grante deri në 50% nga shteti
30 Shtator, 15:39
-
Vendimet e qeverisë/ Miratohet 'Skema Kombëtare e Investimeve në ferma', Denaj: 50 % grant për fermerët, aplikimet nisin nga 1 tetori
18 Shtator, 12:21 -
Denaj në Komisionin për Ekonominë dhe Financat: Prodhimi organik, prioritet për të ardhmen e bujqësisë shqiptare
16 Shtator, 12:01 -
Bujqësi, Veterinari dhe Teknologji Ushqimore, Denaj fton të rinjtë t’i drejtohen shkollave profesionale
10 Shtator, 09:46
