POP 5

Lajmet më të lexuara të 5 minutave të fundit

Ekonomi

Energjetika/Korrik-shtator
blihen 80 mln € energji në import

Situata e një thatësire të tejzgjatur ka krijuar probleme jo të vogla për sistemin hidroenergjetik shqiptar. Për periudhën korrik-shtator operatorët e sistemit kanë blerë gati 80 milionë euro energji nga importi. Nëse thatësira vijon, qeveria do të detyrohet të prekë për herë të parë pas disa vitesh fondin e saj të rezervës, i cili u rrit me ndryshimet e fundit të buxhetit, pikërisht për të përballuar krizën energjetike.
Situata e një thatësire të tejzgjatur ka krijuar probleme jo të vogla për sistemin hidroenergjetik shqiptar. Për periudhën korrik-shtator operatorët e sistemit kanë blerë gati 80 milionë euro energji nga importi. Nëse thatësira vijon, qeveria do të detyrohet të prekë për herë të parë pas disa vitesh fondin e saj të rezervës, i cili u rrit me ndryshimet e fundit të buxhetit, pikërisht për të përballuar krizën energjetike.

Operatori i Shpërndarjes së Energjisë Elektrike (OSHEE), edhe pse ka kryer pesë raunde negocimi me tregtuesit, nuk ka arritur të sigurojë të gjithë energjinë që kërkonte të blinte në import për muajin shtator.

Sipas njoftimit zyrtar të OSHEE, kompania  arriti të blejë 271.6 milionë kilovatorë, ose 94% të totalit të kërkuar. Kjo sasi i ka kushtuar OSHEE në total rreth 20 milionë euro. Çmimet sa vjen e rriten, duke kapur edhe pikun e 80 eurove për një megavatorë.

Megjithatë, OSHEE deklaroi se pjesën e mbetur do t’ia furnizojë KESH, e cila, nga ana e saj, gjithashtu ka blerë energji jashtë në kushtet e një prodhimi minimal. Prurja e ujit në Liqenin e Fierzës ka arritur në pikën më të ulët të mesatares vjetore në 40 vitet e fundit. Korporata Elektroenergjitike po përpiqet të ruajë kuotën 268 metra, pasi, nëse thatësira vijon, kaskada e Drinit rrezikon të shkojë në pikën kritike.

Edhe për muajin tetor kompanitë KESH dhe OSHEE parashikojnë ta blejnë energjinë jashtë, pasi, edhe nëse ka përmirësim të prurjeve hidrike në kaskadë, basenit i duhet minimalisht një muaj që të arrijë nivelin e mëparshëm.

Korporata do të përdorë fondin e caktuar nga Banka Botërore, ndërsa kompania e shpërndarjes do të përpiqet të mos prekë garancinë që u dha nga qeveria qendrore me aktin normativ të buxhetit. Ndërkohë, kjo e fundit deklaron që ka mjete të nevojshme financiare për të përballuar situatën e jashtëzakonshme të krijuar, por ai që e pëson në këtë mes është plani i investimeve, i cili bllokohet për të kaluar fondet në blerje energjie.   

Redaksia Online
D.T/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Michelle Obama ‘thyen’ traditën, ish-zonja e parë nuk do të marrë pjesë në inaugurimin e Trump si president i SHBA-së

Michelle Obama ‘thyen’ traditën, ish-zonja e parë nuk do të marrë pjesë në inaugurimin e Trump si president i SHBA-së

15 Janar, 14:58