POP 5

Lajmet më të lexuara të 5 minutave të fundit

Ekonomi

Energjia, shtyrja e linjës favorizon
eksportin serb në Shqipëri e Kosovë

Pa financimin nga qeveria gjermane, Shqipëria dhe Kosova humbasin një mundësi të jashtëzakonshme për të ulur në minimum humbjet në shkëmbimin reciprok të energjisë elektrike.
Energjia, shtyrja e linjës favorizon <br />eksportin serb në Shqipëri e Kosovë
TIRANE - Pa financimin nga qeveria gjermane, Shqipëria dhe Kosova humbasin një mundësi të jashtëzakonshme për të ulur në minimum humbjet në shkëmbimin reciprok të energjisë elektrike. KfW ka deklaruar se nuk pranon të japë OK për ndryshimin e fitueses për tenderin e lotit të parë. Pa një lot, linja nuk mund të përfundojë kurrë. Me këtë, nuk përfiton as Shqipëria dhe as Kosova, por dikush tjetër. Në rast se KfW-ja do të pranonte të shpallej fituese Energoinvest nga Bosnja, që doli e dyta në tender, këtu fijet të çojnë tek miku familjar i kryeministrit Berisha, Damir Fazlliç, i lidhur ngushtë me aferat energjetike në Ballkan. Ndërkohë, në rast se projekti bllokohet, qoftë edhe përkohësisht, fitimet për kompanitë serbe, që janë furnitoret kryesore të Shqipërisë e Kosovës, në një kohë kur energjia është shumë e kërkuar dhe me çmime të larta, do të jenë të konsiderueshme. Në këtë kuadër, është logjike të mendohet se në një takim midis Fazlliçit, bosit serb të kompanisë së eksporteve EFT Vuk Hamoviçit dhe djalit të kryeministrit shqiptar, Shkëlzen Berisha në Vjenë, të zhvilluar pak kohë më parë, të jetë diskutuar pikërisht plani për të mundësuar sa më gjatë eksportet serbe në rajon. Interesant është fakti që METE, e ndodhur në qendër të ciklonit të krizës financiare të energjetikës shqiptare, ka shprehur shqetësim serioz për veprimet e krerëve të OST-së. Në një letër dërguar Ivi Kasos, drejtor i Departamentit të Kontrollit të Brendshëm dhe Antikorrupsionit në Kryeministri, më datë 20 shkurt 2012, ministri Nasip Naço ka thënë shprehimisht se "mosarritja e një zgjidhjeje përfundimtare midis të gjitha palëve në lidhje me këtë situatë mund të sjellë dëme të konsiderueshme, si në aspektin financiar, ashtu në atë politik, në marrëdhënie me një nga donatorët më seriozë siç është KfW, përfaqësuese e qeverisë gjermane, duke vënë në rrezik këtë projekt vital për sektorin elektroenergjetik dhe për ekonominë shqiptare".
Sipas ministrit, sa kohë që financimi bëhet nga të huajt, është e natyrshme që edhe rregullat për realizimin e projekteve. Duke filluar nga dokumentat e garës, do të jenë ato të vendit financues, në bashkëpunim me operatorët dhe konsulentin.
KfW, thekson Naço, shprehet në mënyrë të qartë se nuk mund të japë "no objection", pra nuk mund të pranojë vendimin e marrë nga OST për shpalljen fitues të kompanisë Energoinvest për Lotin e parë të tenderit të linjës 400 kV, gjë që mund të verë në rrezik financimin e këtij projekti kaq të rëndësishëm.
Naço rikujton që edhe vlerësimi i fituesit nuk mund të bëhet në mënyrë të njëanshme, pa miratimin e Kosovës, ashtu sikurse i gjithë procesi i është nënshtruar gjykimit të operatorit të Prishtinës.

(gk/im/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Legjionarët/ Bitri dhe Shpendi gjejnë golat, Gripshi fiton Kupën! Myrto Uzunin e nderon gjithë stadiumi, një gol larg historisë

Legjionarët/ Bitri dhe Shpendi gjejnë golat, Gripshi fiton Kupën! Myrto Uzunin e nderon gjithë stadiumi, një gol larg historisë

24 Nëntor, 21:56