POP 5

Lajmet më të lexuara të 5 minutave të fundit

Sociale

Era shkul pishat në Krastë, rrezik për makinat në rrugë

Rruga për në qytetin e Krujës është bërë e rrezikshme pasi pishat e vjetra rrëzohen për shkak të erës së fortë. Duhen prerë pemët e dëmtuara dhe mbjellë fidanë të rinj, tha inxhinieri i pyjeve Abdulla Hasanaj në intervistë për Report TV

Masivi me pishë të zezë në Krastë të Krujës ka pësuar dëmtime. Shkak është bërë mosha e tyre dhe fenomenet natyore si era e fortë. Report TV sjell pamjet e drurëve të rrëzuar në dy anët e rrugës nacionale Krujë-Fushë Krujë.

Shumë prej këtyre pishave janë tharë, ndërsa një pjesë janë shkulur e rrëzuar, duke rrezikuar jo pak jetën e përdoruesve të rrugës.

“Kemi evidentuar 80 pisha të shkulura. Ato përbëjnë rrezik për përdoruesit e rrugës në aksin nacional Fushë Krujë- Krujë”.- u shpreh Abdulla Hasanaj, inxhinier.

Janë rreth 80 pisha të dëmtuara gjate muajve te fundit dhe shkak për këtë sipas inxhinierit te pyjeve Abdulla Hasanaj është mosha, pasi janë mbjellë 5 dekada më parë.

“Fenomeni i prerjes dhe shkuljes së drunjve nga shpejtësia e erës mund ndodhin aksidente. Janë pisha të vjetra 40 vjeçare”.- tha Hasanaj.

Prej vitesh masivi me pisha në Krujë, sipërfaqja e të cilit shkon deri në 60 hektarë po e humbet identitetin pasi nuk mirëmbahet dhe nuk mbillen fidanë të rinj.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

VIDEO/ Myrto Uzuni e nis nga stoli, Granada barazon 1-1 me Athletic në Bilbao

VIDEO/ Myrto Uzuni e nis nga stoli, Granada barazon 1-1 me Athletic në Bilbao

20 Prill, 09:10