POP 5

Lajmet më të lexuara të 5 minutave të fundit

Sociale

Eranda Libohova gjallëron Pazarin e Ri në Tiranë, mbledh në koncert adhuruesit e muzikës shqiptare

Këngëtarja Eranda Libohova mbajti mbrëmjen e së enjtes tek Pazari i Ri një koncert që u ndoq nga qytetarë të çdo moshe. Përveç repertorit të gjerë të këngëve të saj, nuk munguan as këngët popullore.

Nga fëmijët e deri te moshat e treta, mbrëmjen e së enjtes dëfryen tek Pazari i ri.

Ishte këngëtarja Eranda Libohova e cila mbajti një koncert për më shumë se dy orë.

“Kjo është një skenë prej vërteti dhe pse duket si e improvizuar. Ku ka njerëz ka dashuri dhe për mua jeni një publik shumë i dashur sot. Dhe do ta nis për një këngë për dashurinë. Rroftë dashuria”, tha Libohova.

Libohova, e njohur për zërin e saj të veçantë dhe repertorin e pasur muzikor, ajo performoi disa nga hitet e saj më të njohura, duke ofruar një mbrëmje të paharrueshme për të gjithë adhuruesit e muzikës shqiptare.

Nuk kishte si të mungonin këngët popullore që e kthyen sheshin e Pazarit të Ri në një pistë vallesh tradicionale shqiptare.

Një moment mjaft emocionues i mbrëmjes ishte edhe bashkimi në skenë me Nikon, një i riu me spektrin e autizmit që di përmendësh çdo tekst të këngëtares.

Ky koncert është pjesë e aktiviteteve të shumta që po zhvillohen në Pazarin e Ri, një nga zonat më të gjalla dhe më të frekuentuara të Tiranës.

Xh.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dritan HIla: Doktori që nuk harron vesin

Dritan HIla: Doktori që nuk harron vesin

5 Nëntor, 19:14 nga Dritan Hila