POP 5

Lajmet më të lexuara të 5 minutave të fundit

Kronikë

'Erdha me këmbët e mia në Shqipëri', Bruno Çobo del para togave të zeza: Nuk më esktraduan nga Dubai

Në Gjykatën e Posaçme ku iu komunikua masa “arrest në burg”, Bruno Çobo i depërtuar të mërkurën nga Dubai, deklaroi se ishte kthyer me këmbët e tij në Tiranë, në një kohë që  Policia e Shtetit pretendon se ai ishte sjellë në Tiranë përmes një procedure që e quan “ekstradim i thjeshtuar”.

Bruno Çobo, i deportuar të mërkurën nga Emiratet e Bashkuara Arabe, doli këtë të enjte para Gjykatës së Posaçme. Togat e zeza i komunikuan masën e arrestit në burg që ishte marrë në mungesë, sa i takon përfshirjes së tij në rrjetin kriminal të mashtrimeve me vlerë 4.7 milion euro ndaj shtetasve italianë përmes platformave të “call center”. Në sallën e gjyqit, Bruno Çobo tha se ka udhëtuar i vetëm me vendimin për t’u vetëdorëzuar.

“Erdha me këmbët e mia në Shqipëri. Nuk më ka shoqëruar asnjë autoritet i Emirateve apo Dubait. Erdha në Rinas dhe në pikën e kalimit, iu komunikova se kush jam dhe cili ishte qëllimi i ardhjes time. U njoftuan shërbimet dhe më shoqëruan. Madje më ngjitën në avion edhe një herë”, ka deklaruar ai.

Bruno Çobo rezulton t’i ketë dërguar nëpërmjet postës, Zyrës së Interpol Tirana, një kërkesë ku i kërkon që të vetë dorëzohet e t’i krijohen kushtet për tu kthyer në Shqipëri.

Sipas Policisë së Shtetit, 28-vjeçari i shpallur në kërkim ndërkombëtar, u lokalizuar në Abu Dhabi, pas shkëmbimit të informacioneve mes Interpol Tiranës, Policisë Kriminale dhe homologëve në Emiratet e Bashkuara Arabe dhe me kërkesë të tij është kthyer në Shqipëri, ndërsa INTERPOL Abu Dhabi, njoftoi homologët në Tiranë për një ekstradim të thjeshtuar, njësoj si në këtë dokument të siguruar një ditë më parë nga Report Tv.

Në janar të këtij viti SPAK dërgoi në GJKKO për gjykim dosjen në ngarkim të Çobos dhe 16 anëtarëve të tjerë të grupit, të cilët përmes “call center” në Tiranë kontaktonin italianët për të investuar në bursa, por që në fakt paratë përfundonin në xhepat e tyre.

G.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Lajme të mira në punë...Çfarë parashikon horoskopi për ju sot

Lajme të mira në punë...Çfarë parashikon horoskopi për ju sot

26 Janar, 07:21