Erdogan: Do të bllokojmë
marrëveshjen me Brukselin
Parlamenti i Turqisë do të bllokojë marrëveshjen e arritur me Bashkimin Europian sa i përket çështjes së emigrantëve
Parlamenti i Turqisë do të bllokojë marrëveshjen e arritur me Bashkimin Europian sa i përket çështjes së emigrantëve, nëse turqit nuk do të mund të fitojnë të drejtën për të udhëtuar pa viza në vendet e “Schengen”-it. Këtë paralajmërim ka lëshuar Presidenti turk, Rexhep Taip Erdogan. Bashkimi Europian, nga ana e vet ka bërë të ditur se Turqia duhet të përmbushë edhe disa kushte specifike, përfshi ndryshimin e ligjeve antiterror të vendit, diçka që Ankaraja ka refuzuar ta bëjë. Marrëveshja e arritur synon të ndalë fluksin masiv të emigrantëve dhe refugjatëve në Europë.
Por, Erdogani ka shtuar gjithashtu se fondet e premtuara nga BE-ja ende nuk janë çliruar për vendin e tij.
Duke parë sinjalet deri më tani, ka shumë gjasa që synimi për t’u dhënë akses turqve në zonën europiane të lëvizjes së lirë deri në fund të këtij muaji nuk do të përmbushet.
Kancelarja gjermane, Angela Merkel, e cila u takua me Erdoganin gjatë ditës së hënë, tha se mund të mos ketë kohë të mjaftueshme për ta përmbushur këtë objektiv.
Turqia ka paralajmëruar vazhdimisht se e gjithë marrëveshja do të binte poshtë, nëse kërkesat e saj nuk do të plotësoheshin. “Nëse kjo nuk ndodh, asnjë vendim dhe asnjë ligj në kornizën e marrëveshjes së ripranimit nuk do të dalë nga Parlamenti i Republikës së Turqisë”, tha Erdogan, në përmbyllje të Samitit Botëror Humanitar që u zhvillua në Stamboll.
Bazuar mbi marrëveshjen BE-Turqi, emigrantët që kanë mbërritur në mënyrë jolegjitime në Greqi që prej 20 marsit do të duhet të rikthehen në Turqi, nëse nuk duan të aplikojnë për azil, apo nëse kërkesat e tyre për azil do të refuzoheshin. Gjithashtu, për çdo emigrant sirian që do të rikthehej në Turqi, Bashkimi Europian do të merrte një tjetër sirian që ka bërë një kërkesë legjitime.
Një prej çështjeve më të diskutueshme për liberalizimin e vizave për turqit ka lidhje me legjislacionin tepër të zgjeruar antiterrorizëm të Turqisë. BE-ja dhe grupet e të drejtave të njeriut e kanë akuzuar Ankaranë se po e përdor këtë legjislacion për të intimiduar gazetarët dhe disidentët antierdogan. Por, qeveria e mohon këtë duke thënë se ligjet nevojiten për të luftuar militantët, ndaj dhe i ka bërë të ditur BE-së se nuk do t’i ndryshojë ato.
Redaksia online
a.n shqiptarja.com
Sondazhi i ditës:
Si po përballohet situata e krijuar nga zjarret në vend?
-
Mirë
43.6%
-
Keq
40%
-
Nuk e di
16.4%
Vota total: 1476
Votat totale janë unike
Lajme të tjera
-
SHBA njofton një paketë të re ndihme për Ukrainën
9 Gusht, 22:55
-
Turistët zgjedhin Vlorën, rreth 1600 pasagjerë në një ditë! Kryesisht nga Italia: Na pëlqen natyra e mikpritja
9 Gusht, 22:40
-
Paris 2024/ Ja si transformohen medaljet olimpike pas një jave (VIDEO)
9 Gusht, 22:27
-
Lista e re me 'non-grata', SHBA do të publikojë së shpejti emrat e rinj, përfshihet edhe Shqipëria
9 Gusht, 22:21
-
Ministria e Jashtme e Kosovës: Shkupi nuk do ta dorëzojë në Serbi ish pjesëtarin e UÇK-së të arrestuar muajin e kaluar
9 Gusht, 22:16
-
Mali i Zi/ Banorët e Kotorit të shqetësuar nga numri i lartë i turistëve
9 Gusht, 22:00
-
Mero Baze: Dëshmia nga SHBA që provon se Shkëlzen Berisha vendosi për kontratën e fishekëve kinezë në Gërdec
9 Gusht, 21:39
-
Vidhet pika e këmbimit në Shkodër! Dy të huaj mashtruan punonjësin e ‘Exchange’ dhe i morën paratë (VIDEO)
9 Gusht, 21:29
-
SHBA-ja rikthen shitjen e armëve në Arabinë Saudite, përmbyset politika tre-vjeçare e presionit
9 Gusht, 21:19
-
Ministria e Jashtme: Mbështesim përpjekjet e SHBA, Egjiptit dhe Katari për të arritur paqen mes Izraelit dhe Hamasit
9 Gusht, 21:06
-
Koalicioni 'Bashkë Fitojmë' bën ankimim në KAS dhe kërkon shpalljen e pavlefshme të zgjedhjeve në Himarë
9 Gusht, 20:55
-
Microsoft: Irani po intensifikon përpjekjet kibernetike për ndikim në zgjedhjet amerikane
9 Gusht, 20:44