POP 5

Lajmet më të lexuara të 5 minutave të fundit

Arkiva

Erdogan sulmon BE e Mogherini:
Perëndimi mbështet terroristët 

Presidenti i Turqisë Recep Taip Erdogan sulmon Bashkimin Europian dhe shefen e diplomacisë Federica Mogherini për mënyrën sesi reaguan ndaj tentativës për grusht Shteti në Turqi. “ Ishte një grusht kundra demokracisë ku u shënuan rreth 238 martirë dhe askush nuk erdhi këtu. Nëse do të bombardohej Parlamenti Italian çfarë do të ndodhte”, u shpreh Erdogan në një intervistë për televizionin italian Rai News 24. VIDEO 
Presidenti i Turqisë Recep Taip Erdogan sulmon Bashkimin Europian dhe shefen e diplomacisë Federica Mogherini për mënyrën sesi reaguan ndaj tentativës për grusht Shteti në Turqi. “ Ishte një grusht kundra demokracisë ku u shënuan rreth 238 martirë dhe askush nuk erdhi këtu. Nëse do të bombardohej Parlamenti Italian çfarë do të ndodhte”, u shpreh Erdogan në një intervistë për televizionin italian Rai News 24. 

“ Perëndimi është në krah të demokracisë apo të pucit? Unë mendoj se përkrah grushtin e Shtetit”, shtoi presidenti duke iu referuar shefes së BE-së për politikën e jashtme Federica Mogherini e cila është shprehur kundra fshesës që Ankaraja ka ndërmarrë pas 15 korrikut. 

“ Zonja Mogherini nuk duhet të fliste nga jashtë por duhej të vinte këtu në Turqi. Sepse nëse në Paris ndodh një gjë e tillë të gjithë shkojnë atje dhe pyesin çfarë ndodhi. Në Turqi ndodhi një grusht shteti kundra demokracisë dhe fatkeqësisht askush nuk erdhi as nga BE as nga këshilli evropian. Kur këtë javë apo tjetrën të vijë president i KE do t’i shpjegojë se organizata e Gylen është me keq sesa vetë mafia”, shtoi Erdogan.

Presidenti gjatë intervistës u shpreh se në rrezik janë edhe marrëdhëniet me Italinë duke theksuar se vendi duhet të merret me çështjes e saj të mafies dhe jo me hetimet që kanë të bëjnë me djalin e tij. Kreu i Shtetit edhe një herë përsëriti se nëse BE nuk aprovon liberalizimin e vizave për shtetasit turq atëherë Ankaraja nuk do të respektojë marrëveshjen për emigrantët e nënshkruar në mars të këtij viti.


Redaksia Online
Al.N/Shqiptarja.com
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i Keq/ Në Mirditë bora bllokon rrugët e fshatrave të thella! Akset kombëtare të kalueshme por me zinxhirë! Në Durrës pezullohet lundrimi i trageteve

Moti i Keq/ Në Mirditë bora bllokon rrugët e fshatrave të thella! Akset kombëtare të kalueshme por me zinxhirë! Në Durrës pezullohet lundrimi i trageteve

12 Janar, 08:34