Erdogan: Vendet e perëndimit nuk
mund ta kërcënojnë Turqinë

Menjëherë pasi u arrestua aktivisti gjerman për të drejtat e njeriut, Peter Steudtner, presidenti turk, Recep Tayyip Erdogan kritikoi ashtër Gjermaninë, ndërsa të arrestuarin e denoncoi duke e etiketuar si “agjent”.

Gjatë një fjalimi të mbajtur në parlament, në Ankara, Erdogan paralajmëroi Gjermaninë se Turqia nuk do të tregonte respekt ndaj saj, raporton DPA.

Ndërkohë, më 5 korrik, Steudtner u arrestua nga autoritetet turke së bashku me nëntë aktivistë të të drejtave të njeriut, përfshirë Idil Eser, drejtoreshën e “Amnesty International” në Turqi, Ali Gharavi në Suedi dhe Peter Steudtner në Gjermani, gjatë një konference  lidhur me sigurinë dixhitale, e cila u zhvillua në Stamboll.

Gjermania ka qënë midis vendeve evropiane, e cila vendosi masa për ndalimin e mitingjeve të organizuara nga politikanët turq në tokën gjermane.
Tashmë, Turqia po mban në paraburgim dy gazetarë gjermanë.

Gjatë fjalimit të tij, Erdogan, këmbënguli se vendet perëndimore nuk mund ta kërcënojnë Turqinë ose të kërkojnë të imponojnë vullnetin e tyre në vend.

Ai theksoi se asnjë kompani gjermane në Turqi aktualisht nuk është nën hetim, duke i quajtur raportimet lidhur me këtë çështje të pavërteta.

Këtë javë, Gjermania  tha se Turqia ka hetuar rreth 700 kompani gjermane, të dyshuara për mbështetjen e terrorizmit.

Ndërsa Turqia deklaroi se lista e kompanive gjermane nën hetim ishte rezultat i një gabimi komunikimi.


Redaksia online
D.M/Shqiptarja.com