/ATSH-AFP/ - Presidenti turk Recep Tayyip Erdogan vizitoi sot në mëngjes vendet e atentatit të përgjakshëm të dyfishtë në Ankara, që shkaktoi të shtunën të paktën 97 të vdekur dhe më shumë se 500 të plagosur.
Njeriu i pushtetshëm i turqisë, nën zjarrin e kritikave pas sulmeve, më të përgjakshmet në historinë e vendit, vendosi një kurorë me lule në sheshin qendror të kryeqytetit në prani të homologut të tij finlandez, Sauli Niinisto, i cili ndodhet për vizitë në Turqi.
Në afrim të zgjedhjeve legjislative të parakohshme të 1 nëntorit, atentati në Ankara ka ushqyer kontestimin kundër regjimit të Erdogan, ndërkohë që luftime të përgjakshme kanë filluar mes forcave turke të sigurisë dhe rebelëve kurdë.