Erion Veliaj takon drejtuesin e Fondit të Zhvillimit Shqiptaro-Amerikan: Diskutuam për transformimin e Piramidës

Erion Veliaj takon drejtuesin e Fondit të Zhvillimit Shqiptaro-Amerikan: Diskutuam për transformimin e Piramidës

Michael Granoff dhe Erion Veliaj

Kryetari i Bashkisë së Tiranës ka takuar një tjetër mik të tij në Amerikë, Michael Granoff, drejtuesin e Fondit të Zhvillimit Shqiptaro-Amerikan. Në një postim në ‘Twitter’ Veliaj shkruan se i tregoi Granoff për ecurinë e transformimit të Piramidës në qendrën më të madhe teknologjike në Ballkan.

"Është gjithmonë kënaqësi të takoj mikun tim, Michael Granoff në New York, drejtuesin vizionar të Fondit të Zhvillimit Shqiptaro-Amerikan! Hidhini një sy Piramidës, për të parë se si @The_AADF, Qeveria Shqiptare dhe Bashkia e Tiranës po e transformojnë atë në qendrën kryesore IT për të rinjtë në Ballkan", shkruan Veliaj.

Teksa bashkangjitur ka vendosur edhe një artikull që prestigjiozja ‘The Economist’ i ka dedikuar tranformimit të Piramidës së Tiranës.

Piramida e Tiranës po transformohet në qendrën më të madhe të teknologjisë së informacionit në Ballkan, që do të mirëpresë mijëra të rinj për të mësuar gjuhën e kodimit, robotikë, design dhe programim, me mbështetjen e ‘Fondit të Zhvillimit Shqiptaro-Amerikan’ - AADF.

Projekti i rijetësimit të Piramidës parashikon një godinë transparente dhe plot dritë. Gjithashtu, projekti synon të krijojë simbolin e ri për Tiranën, ku ndërtesa të jetë e arritshme nga të gjitha anët. Piramida do të shërbejë si një lloj inkubatori pë bizneset në fushën e inovacionit, artit dhe kreativitetit. Programet që do të ofrohen janë: animacion, zhvillimi i lojërave, kinematografia, ëeb design, muzikë, shkrim, vizatim, dizajn grafik, modelimi 3D, programim, robotikë, grafika e lëvizjes, fotografi dhe media e re.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Heqja e dinarit dhe marrëveshja e Ohrit, Kosova dhe Serbia sot në Bruksel për negociatat

Heqja e dinarit dhe marrëveshja e Ohrit, Kosova dhe Serbia sot në Bruksel për negociatat