Erjon Braçe: Asnjë fermeri nuk
do t’i kërkohet kasë për prodhimet

Asnjë fermeri nuk do t’i kërkohet kasë fiskale për shitjen e prodhime të tij bujqësore. Këtë garanci për ta, e jep kreu i Komisionit të Ekonomisë, Erjon Braçe. Ai i cilëson këto zëra si gënjeshtra, duke saktësuar, se faturë, do tu kërkohet grumbulluesve.
 
“Është gënjeshtër. Askush, inspektor tatimesh jo e jo,  nuk i kërkon bujqve të shesin domate e mollë me  kasë fiskale!! Ju gënjejnë!! Grumbulluesit, atij i kërkohet faturë, bujkut jo, asnjëherë!! Grumbulluesit i kërkohet faturë sepse me të, grumbulluesi duhet të rimbursojë bujkun me  20% të vlerës së mallit të blerë prej tij. Domethënë: kur një bujk a blegtor i shet grumbulluesit 1000 lekë mollë a qumësht, merr prej tij 1200 lekë. Këtë grumbulluesi duhet ta bëjë me faturë!! Për këtë bujku as vendos e shet me kasë, as paguan taksë, thjesht merr paratë-20% më shumë se vlera e mallit që shiti dhe faturën që lëshon grumbulluesi. Kaq!! As kasë e as taksa. Gënjeshtra është e trashë. Edhe kur thonë se tregtarët prej saj i drejtohen mallrave të huaj, gënjejnë. edhe atje me faturë i marrin”,-shkruan Braçe në Facebook. 
 
Redaksia Online
(o.m/shqiptarja.com)