Escobar i raporton Shtëpisë së Bardhë për situatën në veri: Kosova s’duhet të presë korrikun për zgjedhje të reja

I dërguari amerikan, për Ballkanin Perëndimor, Gabriel Escobar, del sot para Shtëpisë së Bardhë ku do të raportojë për procesin e përshkallëzimit të situatës në veri të Kosovës.

Për këtë pikë, ai ka kërkuar nga Kosova dhe Serbia që të lëvizin, meqë nga përgjigjet e marra dhe raportimi i së premtes në Shtëpinë e Bardhë, Escobar tha se do të pasojnë vendime.

“Pas kësaj vizite, ne do të pyetemi nga Shtëpia e Bardhë, të premten, për t’ua dhënë një përditësim mbi atë që po ndodh. Dhe unë duhet të raportoj nëse ka ndonjë progres apo jo. Miroslav Lajçak duhet të raportojë te Josep Borrell, rreth situatës. Nuk është një afat, por një hap tjetër për mua dhe në bazë të raportit tim do të marrim disa vendime dhe do të ecim përpara”, ka deklaruar ai.

LEXO EDHE:
VIDEO/Makina përfshihet nga flakët, momentet dramatike kur shoferi shpëtohet nga kalimtarët!

Më tej, i dërguar i SHBA-ve për Ballkanin Perëndimor ka thënë se situata në veri të Kosovës duhet të çtensionohet menjëherë dhe se ai nuk do që të presë deri në muajin korrik për zgjedhje të reja.

Ai përsëriti se formimi i Asociacionit të komunave me shumicë serbe është “kërkesë ligjore” për Qeverinë e Kosovës dhe se “nëse Kosova dëshiron të ecë përpara me integrimin e saj, ajo duhet ta formojë Asociacionin”. “Pyetja është se a do të ndodhë kjo me këtë Qeveri apo me qeverinë e ardhshme”, tha Escobar.

Në përditësim...

G.MO/Shqiptarja.com

TAG:
• Gabriel Escobar
• SHBA