Interpol Tirana ka ekstrtaduar drejt Italisë dhe Turqisë tre persona të arrestuar në Shqipëri pasi janë shpallur në kërkim ndërkombëtar nga shtetet e mësipërme.

Konkretisht bëhet fjalë për:   
U ekstradua nga Tirana në Stamboll, shtetasi italian në kërkim ndërkombëtar Donato Crastolla, vjeç 47, banues në Brindizi Itali, pasi: 
Gjykata e Izmirit, Turqi, me vendimin nr.No.2012/236, datë 24.09.2014, e ka dënuar me 7 vjet burg për kryerjen e veprës penale “Mashtrimi”, i cili ju dorëzua oficerëve të eskortës turke.
 
U ekstradua nga Tirana drejt Italisë, shtetasi në kërkim ndërkombëtar Henri Toska (Mersini), vjeç 25, banues në Tiranë, pasi:
 Gjykata e Monzës, Itali, me urdhër arrestit  nr. 14140/13 R.G.G.I.P, datë 05.05.2014, e ka dënuar me 8 vjet burg, për veprën penale "Shfrytëzim prostitucioni". Nenet 416, 110, 624 e 625 të K.P.Italian. Ju dorëzua oficerëve të eskortës Italiane.
 
U ekstradua nga Tirana drejt Italisë, shtetasi në kërkim ndërkombëtar Ylber Demrozi, vjeç 33, banues në Durrës,  pasi:”
 Gjykata e Veronës, Itali, me urdhër arrestit nr. 3960/13 RGNR-4288/14 RG.GIP, për veprën penale "Grabitje me armë", "Vjedhje me dhunë", "Keqtrajtim" e "Vjedhje". Ju dorëzua oficereve të eskortës Italiane.
 
Redaksia Online
(a.h/shqiptarja.com)