POP 5

Lajmet më të lexuara të 5 minutave të fundit

Bota

Estonia do të heqë të gjitha monumentet e luftës të epokës sovjetike, shkak sulmi rus në Ukrainë

Estonia do të heqë të gjitha monumentet e luftës që i përkasin epokës sovjetike nga ambientet publike. Ky akt synon të parandalojë “armiqësinë e shtuar të shoqërisë, si edhe kujtimin e plagëve të vjetra” pas pushtimit rus të Ukrainës, tha qeveria

Estonia do të heqë të gjitha monumentet e luftës të epokës sovjetike, shkak sulmi rus në Ukrainë

Tank T-34 në qytetin Narva të Estonisë

Estonia do të heqë të gjitha monumentet e luftës që i përkasin epokës sovjetike nga ambientet publike. Ky akt synon të parandalojë “armiqësinë e shtuar të shoqërisë, si edhe kujtimin e plagëve të vjetra” pas pushtimit rus të Ukrainës, tha qeveria.

Një tank T-34 në qytetin Narva, i cili kufizohet me Rusinë, është zhvendosur për t’u dërguar në Muzeun e Luftës në Estoni. Narva është qyteti i tretë më i madh i Estonisë, ku 97% e popullsisë së saj prej rreth 60,000 banorësh flasin rusisht. Estonia është e shqetësuar se lufta e Rusisë në Ukrainë do të nxisë tensione në Narva.

Estonia e rifitoi pavarësinë në vitin 1991, pas rënies së Bashkimit Sovjetik.

Në deklaratën e saj, kryeministrja Kaja Kallas tha se qeveria e saj "nuk do t'i lejojë Rusisë mundësinë për të përdorur të kaluarën e për të prishur paqen në Estoni".

"Duke marrë parasysh shpejtësinë e rritjes së tensioneve dhe konfuzionit rreth memorialeve në Narva, ne duhet të veprojmë shpejt për të garantuar rendin publik dhe sigurinë e brendshme", th Kallas.

Ministri i Jashtëm Urmas Reinsalu tha se këto monumente janë ngritur për të lavdëruar pushtimin rus dhe nuk kanë më vend në hapësirën publike të Estonisë.

Përveç tankut T-34, varrezat e Luftës së Dytë Botërore do të zhvendosen po ashtu, gjë që qeveria e pranon se mund të krijojë tensione.

Javën e kaluar, Rusia shprehu pakënaqësi ndaj planeve të Estonisë.

"Lufta kundër historisë, për më tepër me një histori të përbashkët dhe asgjësimin e monumenteve për ata që shpëtuan Evropën nga fashizmi, është skandaloze," tha zëdhënësi i Presidentit Vladimir Putin.

Estonia po anulon gjithashtu rreth 50,000 viza të lëshuara për shtetasit rusë.

Letonia, Lituania dhe Republika Çeke po ashtu kanë ndaluar lëshimin e vizave për rusët. Finlanda po redukton në 10% numrin e vizave që lëshon për rusët.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lufta/ Netanyahu gati të tërheqë 320 mijë rezervistë! 20 të vrarë në Bjerut

Lufta/ Netanyahu gati të tërheqë 320 mijë rezervistë! 20 të vrarë në Bjerut

24 Nëntor, 07:55