Shumë të tjerë u plagosën në incidentin e ndodhur në qytetin e Waldiya të Etiopisë. Protestuesit e zemëruar kanë bllokuar rrugët dhe bizneset janë të mbyllura.
Ka rreth tre vjet që ka pasur protesta opozitare në Etiopi, ndërsa të mërkurën, qindra aktivistë u liruan nga burgu.
Vrasjet ndodhën gjatë ditës së dytë të festimeve të Epifanisë e cila po zhvillohej për përkujtimin e pagëzimit të Jezusit. Dhjetra persona të plagosur thuhet se po marrin mjekime në spitalin më të afërt.
Demonstruesit antiqeveritarë në Etiopi po bëjnë thirrje për reforma politike dhe ekonomike dhe për abuzimet e të drejtave të njeriut.
Ndër të dyshuarit që u liruan nga paraburgimi nga qeveria të mërkurën ishte edhe udhëheqësi i opozitës Merera Gudina, i cili kaloi më shumë se një vit në paraburgim.
Redaksia Online
A.Gj/Shqiptarja.com