ETIOPI- Etiopia ka nisur një program dy vjeçar e gjysmë për të ndihmuar në lehtësimin e problemit që shumë fëmijë në vend janë duke vuajtur nga kequshqyerja kronike.
 
Sipas Organizatës Botërore të Shëndetësisë, nuk ka pasur ndonjë rritje në mesin e popullatës më të varfër në Afrikë.
 
Plani shpreson për të reduktuar krizën e urisë ku miliona njerëz, shumica prej tyre fëmijë janë kronikisht të paushqyer.
 
Megjithatë, ka mendime të përziera mbi progresin e reduktimit të krizës së urisë në kontinentin afrikan.
 
“Pothuajse çdo vend në Afrikë sot ka një normë të brendshme të kequshqyerjes akute”, tha përfaqësuesi i UNICEF-it, doktor Peter Salama.
 
Udhëheqësit afrikanë dhe ato ndërkombëtarë, si dhe aktorë kyç në sektorin e sigurisë ushqimore, do të takohen në selinë e Bashkimit Afrikan në Adis Abeba më 30 qershor.
 
Ata do të diskutojnë rinovimin e partneritetit për një qasje të unifikuar për t'i dhënë fund urisë në Afrikë deri në vitin 2025.

Redaksia Online
(l.ç/e.s/shqiptarja.com)