POP 5

Lajmet më të lexuara të 5 minutave të fundit

Sport

Euro 2024/ Kombëtarja nis përgatitjet për Italinë, Hysaj: Na neglizhojnë? Edhe ne i kemi me pikë të kuqe, nuk mjaftohemi me prezencën

Elseid Hysaj, futbollisti i kombëtares që luan në Seria A, foli për përballjen me Italinë në Evropian, duke pohuar se këtë herë ndryshe nga 2016 kuqezinjtë do tentojmë më shumë se paraqitje dinjitoze.

Kombëtarja shqiptare ka nisur këtë të martë përgatitjet për ndeshjen e parë të Evropianit, që është kundër Italisë më 15 qershor në Dortmund.

“Besoj që sot kemi bërë një ndërrim mendje në stërvitje. Tani po afrohet ndeshja dhe jemi më të përqëndruar, më seriozë. Nuk ka më kohë ta kalojmë më gjëra kot,”-u shpreh Elseid Hysaj, futbollist i kombëtares.

Po i referohem mediave italiane, Sportmediaset, që sot thoshte se Italia duhet të fitojë me patjetër kundër Shqipërisë, pasi 3 pikët thuajse e kualifikojnë. Çfarë mendimi keni për këtë?

“Edhe për ne Italia është një pikë e kuqe për të kaluar edhe ne grupin si po mendojnë ato. Ne nuk duhet ta tregojmë me fjalë, por kur të futemi në fushë. Edhe ne i duam ato pikë, nuk është se vijmë këtu që të na i marrin pikët. Ato pikë nuk janë të askujt. Pastaj të shohim se kush do i marrë,”-tha Elseid Hysaj, futbollist i kombëtares.

Hysaj bashkë me Abrashin, Etrit Berishën, Ajetin dhe Alijin janë pesë lojtarët e vetëm në ekipin kombëtar që do përsërisin aventurën në Evropian.

“Në 2016 shkoi një skuadër komplet tjetër dhe me një lojë tjetër, lojtarët kanë pasur gjëra të tjera. Është hera e dytë për mua, Berishën dhe Abrashin. Duhet të bëjmë më tepër, të jemi më seriozë, mund ta kalojmë grupin, duhet të provojmë me gjithçka, edhe nëse nuk shkon siç duam ne në fund të themi të paktën që shkuam me kokën lart,”-deklaroi Hysaj. 

Kombëtarja shqiptare përgatitjet për ndeshjen e parë të Evropianit kundër Italisë i nsi me dy seanca stërvitore në ditë, teksa të dielën qëndroi pushim pas 2 ndeshjeve miqësore dhe udhëtimit drejt Gjermanisë dhe qendrës stërvitore Kaiserau.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Murat: 10/06/2024 19:05

    Italia mund te marre nje barazim, asgje me teper.Djemt tane kane nivel te mire teknik e fizik. Nuk mendoj humbje, nje barazim e justifikon.

    Përgjigju
  • Barzaghi: 10/06/2024 17:34

    Me vjen keq por Italia edhe pse nuk asht ma skuader e madhe si dikur, do te na mundin 2-0.

    Përgjigju
    • Murat: 10/06/2024 19:14

      Jo me shume se nje barazim. Djemte tane jane me nivel te mire teknik e fizik. Urime

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Mitsotakis nënshkruan kontratën, nis ndërtimi i rrugës Janina-Kakavijë me vlerë 310 milionë euro

Mitsotakis nënshkruan kontratën, nis ndërtimi i rrugës Janina-Kakavijë me vlerë 310 milionë euro

18 Dhjetor, 19:08