Euro 2024/ Sfida shekullore mes Italisë dhe Zvicrës, nga Olimpiada e 1924 deri te penalltia e humbur e Jorginhos dhe eliminimi nga Botërori! Fitorja që nderon të kaltrit

Italia dhe Zvicra do përballen nesër (e shtunë) në orën 18:00 në stadiumin e Berlinit për duelin e parë në fazën e 1/8 të Europianit 2024. Dueli mes dy skuadrave është më i luajturi mes tyre, plot 61 herë në 113 vite histori.

Përballja e së shtunës është e 62-ta, me djemtë e Spallettit që kërkojnë të marrin hak pasi dueli i fundit mes tyre nuk u ka lënë shijë të mirë, kjo pasi solli eliminimin nga Botërori i Katarit 2022.

Historia/ Mund të jetë për shkak të afërsisë nga pikëpamja territoriale, mund të jetë për shkak të lidhjeve kulturore, por Zvicra është kombi me të cilin Italia është përballur më shumë herë në historinë e kombëtares. Duke filluar nga 15 maji 1910 kur Italia bëri debutimin e saj në 'Arena Civica' në Milano kundër Francës, të kaltrit janë përballur me zviceranët 61 herë, duke fituar 29 herë përballë 24 barazimeve dhe 8 humbjeve. Një rekord duke pasur parasysh se skuadrat e tjera me të cilat Italia ka luajtur më shumë janë Franca dhe Gjermania , të ngecura në 41 ndeshje.

Nëse ndeshja e parë daton në 7 maj 1911, 2-2 në 'Arena Civica' në ndeshjet miqësore me golat e Gustavo Carrer dhe Arturo Boiocchi për ekipin italian, ndeshja e fundit është 1-1 e famshme e 12 nëntorit 2021 në 'Olimpico' me Jorginho protagonist i penalltisë së humbur që solli eliminimin e Italisë nga Botërori 2022.

Vetëm dy muaj më parë mesfushori i Arsenalit kishte bërë një tjetër gabim nga pika e bardhë, duke i dhënë pikën e ndeshjes që vlente Katar 2022 në krahët e Yann Sommer në një barazim të dobët 0-0 në Basel.

Këta precedentë nuk janë gjë tjetër veçse kujtime të këqija që shkojnë paralelisht me eliminimin në çerekfinale të Lojërave Olimpike të Parisit 1924 ose humbjen e dyfishtë në tokën e tyre në Kupën e Botës 1954, kur pas humbjes në debutim dhe fitorja 4-1 me Belgjikën nuk vleu për të kaluar, duke përfunduar në pikë të barabarta me zviceranët që eliminuan Italinë në play-off me të njëjtin rezultat.

Në këtë historik mes tyre nuk mund të humbasim ndeshjen 1-0 në Bernë gjatë kualifikimeve të Kupës së Botës 1994 me skuadrën e Arrigo Sacchit , i cili duhej të kalonte veten në ndeshjet e mëpasshme për të shmangur një eliminim të parakohshëm të bujshëm, megjithatë ajo që bie në sy janë fitoret që kanë munguar në 25 vitet e fundit.

Nga viti 1999 e deri më sot Italia ka arritur të imponohet vetëm dy herë, në 2003 në një miqësore dhe në 2021 në grupin e atij Kampionati Evropian të fituar me dopietën e Manuel Locatellit dhe një gol të Ciro Immobile.

Tanimë mund të thuhet se një fitore e mundshme në fazën e 1/8 të Euro 2024 mund të jetë e favorshme për rrugën e të kaltërve drejt finales në Berlin, edhe falë një tabele që vendos Italinë vetëm kundër Anglisë në çerekfinale dhe Holandës në gjysmëfinalet (të mundshme).

Askush s'e di nëse fitorja do të jetë e mjaftueshme për të ngritur sërish trofeun tre vjet pas finales së Uembley, por fillimisht do të duhet që Italia kampione në fuqi t'i imponohet Zvicrës dhe të fshijë kujtimet e këqija që lidhen me penalltitë e Jorginhos.

Dueli i së shtunës gjykohet nga polaku Szymon Marciniak, arbitri i finales së Katar 2022 dhe i finaleve të fundit të UEFA-s.

S.Dh/Shqiptarja.com

TAG:
• euro 2024
• itali
• zvicer