POP 5

Lajmet më të lexuara të 5 minutave të fundit

Kosova & Rajoni

Eurodeputeti gjerman: Masat e BE-së ndaj Kosovës nuk janë të drejta

Eurodeputeti gjerman, Reinhard Bütikofer, ka komentuar situatën në të cilën gjendët aktualisht Kosova. Në një intervistë për RTK-në, ai ka thënë se masat që BE i ka vënë Kosovës nuk janë reciproke, nuk janë të drejta dhe nuk është dashur t’i vihen Kosovës

Eurodeputeti gjerman: Masat e BE-së ndaj Kosovës nuk janë të drejta

Reinhard Bütikofer

Eurodeputeti gjerman, Reinhard Bütikofer, ka komentuar situatën në të cilën gjendët aktualisht Kosova. Në një intervistë për RTK-në, ai ka thënë se masat që BE i ka vënë Kosovës nuk janë reciproke, nuk janë të drejta dhe nuk është dashur t’i vihen Kosovës.

Bütikofer pret që Shefi për Politikë të Jashtme të BE-së, Josep Borrell, tani pas pushimeve të verës, të takohet me komisionin për punë të jashtme të Parlamentit Evropian, për të cilët thotë se janë të pakënaqur me shumicën e qëndrimeve të Borrell. Ai po ashtu ka konfirmuar se po kërkon nga politikbërësit në Gjermani të marrin një rol më aktiv, në zhvillimet nëpër të cilat po kalon Republika e Kosoves.

“Këto masa kundër Kosove janë të njëanshme, dhe natyrisht nuk jam me të gjitha i pajtimit se çka Qeveria e Kosovës ka bërë muajt e fundit, janë edhe disa gabime që i ka bërë, mirëpo nëse shohim në anën tjetër me çka dhe si po e kalon situatën Vuçiçi, kam përshtypjen që këto  masa nuk janë reciproke, nuk  janë fer dhe nuk bën që t’i vihen Kosovës”, tha ai.

Bütikofer thotë se Qeveria e Kosovës duhet të dialogojë dhe se nuk duhet të fokusohemi në renditje të numrit të sanksioneve që po përballet njëri ose tjetri vend, dhe se në Bruksel e SHBA ende ka zëra që mendojnë se është herët të hiqen masat.

 “BE dhe SHBA duhet që të koncentrohen që të bëjnë një agjendë dinamike, që zgjidhja të jetë përfundimtare, pra duhet të fokusohen  në zgjidhje  e jo vetëm të ankohen për njërën apo tjetrën palë”, tha ai për RTK.

“Borrell duhet të vijë në Parlamentin Evropian në Komisionin për Politike të Jashtme dhe të dëgjoj zërin tonë, dhe ne ta vegjojmë atë, dhe të diskutojmë për qëndrimet e Borrell, me shumicën prej të cilave ne nuk pajtohemi, dhe mendoj se edhe pse ne si parlament formalisht nuk kemi të drejtë vendimmarrje  në politiken e jashtme të BE-së, por do të ishte mirë që Borrell të vijë në komision dhe të bisedojmë”, tha Bütikofer.

Ai, po ashtu ka konfirmuar se po kërkon nga politikbërësit në Gjermani të marrin një rol më aktiv, në zhvillimet nëpër të cilat po kalon Republika e Kosovës.

“Gjermania është anëtare e BE-së dhe ka një përgjegjësi tjetër që ka marrë mbi vete, kam biseduar në Berlin me njerëz të ndryshëm të politikës dhe jam munduar që të kuptojnë si për fillim që duhet të ketë një zhvillim të ri dhe pres që Gjermania në këtë situatë të luajë rol më të rëndësishëm”, tha Bütikofer./ RTK

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mat/ Humbi kontrollin e makinës, 40 vjeçari përplas për vdekje të moshuarin

Mat/ Humbi kontrollin e makinës, 40 vjeçari përplas për vdekje të moshuarin

26 Dhjetor, 18:43