Europa dhe bota në alarm, Italia mbylli kufijtë me Afrikën pas Britanisë dhe Gjermanisë! Çfarë po ndodh me variantin e ri të koronavirusit me rreth 50 mutacione

Një frikë e madhe është përhapur në të gjithë Evropën, teksa Italia ka njoftuar sot mbylljen e kufijve.  Një variant i ri i koronavirusit me 32 mutacione Botsvana po shkakton alarm global.

Italia ka njoftuar ndalim fluturimesh për Afrikën e Jugut, Lesoto, Botsvana, Zimbabve, Mozambik, Namibi dhe Swaziland. Ky vendim i Italisë vjen pas atij të Gjermanisë dhe Britanisë së Madhe.  Në shenjë të alarmit në rritje, Bashkimi Evropian propozoi sot  ndalimin e udhëtimeve nga Afrika Jugore.

Ky variant konsiderohet se ka pësuar më së shumti mutacione, në krahasim me të gjitha variantet tjera. Këto janë ditët e para të identifikimit të këtij varianti, mirëpo ka mundësi që ai të përhapet edhe më shumë.

OBSH ka dalë në një deklaratë zyrtare ku thekson se varianti i ri afrikan ka një numër të madh mutacionesh, disa prej të cilave janë shqetësuese. OBSH e ka riemëruar llojin B.1.1.529 të zbuluar së fundmi Omicron.

Çfarë dimë për këtë variant?

Varianti i quajtur B.1.1.529, ka mundësi që do të marrë emër grek – sikurse variantet Alfa dhe Delta – nga Organizata Botërore e Shëndetësisë. Ky variant është thënë se ka pësuar shumë mutacione, rreth 50 të tilla dhe më shumë se 30 janë në proteinën e virusit, e cila është shënjestër e shumicës së vaksinave dhe konsiderohet çelës përmes së cilit virusi depërton në trupin tonë. Një nivel i tillë i mutacioneve mund të ketë ardhur nga një pacient i vetëm që nuk ka arritur të mposhtë virusin. Deri më tani janë konfirmuar 77 raste me variantin e ri në provincën Gauteng në Afrikën e Jugut, katër raste në Bostvana dhe një në Hong Kong, i cili ka mundësi të jetë i lidhur me udhëtim nga Afrika e Jugut. Shifra ditore e të infektuarve në këtë vend më 26 nëntor ka qenë 2,465 në krahasim me rreth 300 javën e kaluar.

Rendit zhvillimet sipas orarit:
Ora 22:48
Varianti i ri i COVID, OBSH deklaratë: Ka një numër të madh mutacionesh, disa prej tyre shqetësuese

Organizata Botërore e Shëndetësisë (OBSH) ka dalë me një deklaratë zyrtare për variantin e ri të koronavirusit i cili po shtrihet në të gjithë botën. OBSH thotë se varianti i ri afrikan ka një numër të madh mutacionesh, disa prej të cilave janë shqetësuese.

Varianti i ri u identifikua për herë të parë në Afrikën e Jugut më 24 nëntor dhe është konstatuar gjithashtu në Botsvanë, Belgjikë, Hong Kong dhe Izrael. Për shkak të mutacionit të ri disa vende ndaluan udhëtimet me Afrikën Jugore. OBSH e ka riemëruar llojin B.1.1.529 të zbuluar së fundmi Omicron. OBSH thotë se do të duhen disa javë për të kuptuar ndikimin e variantit të ri.

Ora 16:30
Belgjika regjistron rastin e parë me variantin e ri të COVID

Belgjika është vendi i parë Europian i cili ka konfirmuar një rast me COVID 'nu'. Është një grua e re e pavaksinuar, e cila shfaqi simptoma 11 ditë pasi shkoi në Egjipt. Nisur nga kjo shteti është vënë në alarm për shkak të rrezikut që paraqet ky variant. Më herët ky rast u zbulua në Afrikën e Jugut, Hong Kong dhe Izrael.

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha apo Berisha, sipas jush kush e ka mbështetjen e anëtarësisë së PD-së?



×

Lajmi i fundit

John

Modric dhe Benzema i japin Realit trofenë e parë sezonal