POP 5

Lajmet më të lexuara të 5 minutave të fundit

Bota

Europa ‘pushtohet’ nga vala e të nxehtit, vapa e egër zhvendoset drejt veriut! Në Britani pritet të shënohet temperatura më e lartë e regjistruar ndonjëherë

Evropa Perëndimore po përballet me temperatura të larta, ndërsa një valë e egër e të nxehtit po shkon drejt veriut

Evropa Perëndimore po përballet me temperatura të larta, ndërsa një valë e egër e të nxehtit po shkon drejt veriut. Në Francë dhe në Mbretërinë e Bashkuar u dhanë paralajmërime për nxehtësinë ekstreme, ndërsa Spanja veriore regjistroi temperatura prej 43 gradë Celsius të hënën. Zjarret në Francë, Portugali, Spanjë dhe Greqi kanë detyruar mijëra njerëz të evakuohen nga shtëpitë e tyre.

Britania e Madhe pritet të arrijë ditën e saj më të nxehtë, mbi 40 gradë celsius dhe ekspertët thonë se një e pjesë e Francës do të përballet me një "apokalips të nxehtësisë". Disa pjesë të Francës panë ditët e tyre më të nxehta ndonjëherë me qytetin perëndimor të Nantes që regjistroi 42 gradë Celsius, tha zyra kombëtare e motit. Zjarret në ditët e fundit kanë detyruar më shumë se 30,000 njerëz të largohen, me strehimore emergjente të ngritura për të evakuuarit.

Gati 1,700 zjarrfikës nga e gjithë Franca, të mbështetur nga burime të konsiderueshme ajrore, po luftojnë me dy zjarre që kanë djegur 4,700 hektarë pyll në Zhirondë, sipas zyrtarëve lokalë.

Ndërsa qeveria britanike, tashmë në udhëkryq pas një sërë skandalesh që detyruan kryeministrin Boris Johnson të jepte dorëheqjen, është akuzuar se e ka marrë situatën shumë lehtë. Johnson u kritikua se nuk mori pjesë në një takim urgjent mbi krizën të dielën, në vend të kësaj organizoi një festë lamtumire në vendstrehimin e tij të financuar nga shteti.

Temperaturat ekstreme bënë që fluturimet të pezullohen në aeroportin Luton afër Londrës dhe në bazën e Forcave Ajrore Mbretërore. Trenat u anuluan dhe shkollat ​​u mbyllën në zonat e prekura.

Irlanda pa temperaturat 33°C në Dublin – më të lartat që nga viti 1887, ndërsa në Belgjikë temperaturat i kanë kaluar 40 gradë. Flakët në Francë, Greqi, Portugali dhe Spanjë kanë shkatërruar mijëra hektarë tokë, ndërsa si pasojë e të nxehtit, vdekjet e kanë kaluar shifrën 1 mijë.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57