POP 5

Lajmet më të lexuara të 5 minutave të fundit

Politikë

Evi Kokalari: Berishën e kisha si baba të dytë, është njësoj si Rama! Kam shpresë se do e hapë PD për intelektualë që fitojnë garat

‘Amerikanja’ e ish kryeministrit, Evi Kokalari ka reaguar sërish për Sali Berishën duke thënë se e kishte si baba të dytë, por tashmë i duket njësoj si Edi Rama. Ajo shprehet se nuk do t’i referohej në këtë mënyrë në rast se Berisha do të konvertonte PD në një parti konservatore pasi nuk ka asgjë për të humbur.

Evi Kokalari: Berishën e kisha si baba të dytë, është njësoj si Rama! Kam shpresë se do e hapë PD për intelektualë që fitojnë garat

Edi Rama, Evi Kokalari dhe Sali Berisha

‘Amerikanja’ e ish kryeministrit, Evi Kokalari ka reaguar sërish për Sali Berishën duke thënë se e kishte si baba të dytë, por tashmë i duket njësoj si Edi Rama. Kokalari shkruan se janë themelues të regjimit post-komunist.

Ajo shprehet se nuk do t’i referohej në këtë mënyrë në rast se Berisha do të konvertonte PD në një parti konservatore pasi nuk ka asgjë për të humbur. Kokalari thekson se Berisha u kthye në politikën active pasi u shpall ‘non grata’ nga SHBA dhe ka shpresë se do ta hapë partinë për intelektualë që mund të fitojnë garat elektorale.

“E vetmja gjë që kuptova nga kjo video është që mbas 32 vitesh, lojtarët kanë ngelur po ata: Edi Rama dhe Sali Berisha!!

Fatkeqësia është se PD-ja jo vetëm që s'ka ndërmënd të bëhet konservatore, por kryesia e saj, mbuloi të gjitha manipulimet që j'u bënë “votës së lirë” në Këshillin Kombëtar dhe në garën e Forumin Rinor, dhe jo vetëm kaq - por për t'ju thënë të gjithëve se “ne bëjmë ç'të duam”, dekoruan njeriun më mediokër, mashtrues dhe strumbullarin e manipulimeve, me kandidaturën “fituese” për t’u përballur me Velian.

Ndërkohë shesin primaret si koshër (proces të pastër dmth). Audio e më poshtme, më bëri të ri-analizojë personin që kisha vënë në piedestal dhe për të cilin kisha dhëmbshuri si për një baba të dytë. Tashti duket sikur Rama dhe Berisha janë njesoj! Ata janë vegël e një rregjimi që e ndërtuan vetë. Ata në fakt, janë themelues të rregjimit post-komunist!

Dy-tre mandate të tjerë mes Ramës dhe Berishës, do përfundojmë seriozisht në një rregjim të dytë 45-vjeçar.

Me pak fjalë, kjo biseda e 1991 bëhet pikërisht në prag të shkatërrimit të një rregjimi, dhe në prag të ndërtimit të një rregjimi zëvëndësues. Eshtë kaq e thjeshtë!!

Nuk do t'i shkruaja kurrë këto fjalë po qe se Berisha do ta kishte mbajtur fjalën dhe do ta konvertonte PD në një parti konservatore, ku vota e lirë vërtet do të mbrohej. Nuk do ti kushtonte gjë ta bënte. Ai vetë, është 78 vjeç. Karrierën politike e kishte të mbyllur. U kthye në betejë, prej damkës se DASH. Ne - të gjithë në krahë!

Berisha kishte mundësinë të ndërtonte trashëgimin e tij politike, që do të ngelej në histori duke mundësuar një opozitë të fortë kundër korrupsionit më pervers në Ballkan – atë të Edi Ramës.

Thonë se shpresa vdes e fundit. Dhe unë vazhdoj të shpresoj që Berisha do bëj një kthim 180 gradë duke hapur partinë, dhe duke sjellë rreth vetes intelektual, sepse vetëm ata mund të fitojnë garat elektorale.

Dhe nëse kjo nuk ndodh dy-tre muajt e ardhshëm, një parti e re opozitare është e pa-evitueshme, dhe në terrenin politik të sotshëm, sinqeriteti dhe integriteti janë te vetmet virtyte që do fitojnë. Njerëzit janë të lodhur me sagën 32 vjeçare, ku Rama & Berisha dramatizojnë opozitarizmin ndaj njëri-tjetrit.

Në fakt, bazuar sërish tek audio, lind pyetja a është Rama vërtet ideologjikisht socialist, apo thjeshtë e kishte kuptuar që PD-ne s'ja merrte dot Berishës, kështu që i ju vu Nanos?

Po ta analizosh pak më thellë, duket sikur beteja nuk është për mbrojtje parimesh, por është thjesht ego pushteti. Ndryshe PD-ja sot, realisht do të ishte Parti Konservatore!” – shkruan Kokalari.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51