Evropa është irrituar nga disa raporte se SHBA-të kanë përgjuar disa nga institucionet e Bashkimit Evropian. Qytetarët janë të mërzitur me këtë mbikqyrje amerikane. Sipas gazetës “Spiegel”, “zyrtarë të lartë të Bashkimit Evropian janë të indinjuar nga njoftimet se SHBA-të kanë përgjuar përfaqësitë e saj në Uashington dhe Nju Jork. Disa prej tyre madje kanë bërë thirrje për një pezullim të bisedimeve mbi marrëveshjen e trans-atlantike të tregtisë së lirë.

"Ne kemi nevojë për informacion më të saktë," tha Presidenti i Parlamentit Evropian Martin Schulz. "Por në qoftë se kjo është e vërtetë, përbën një skandal të madh. Kjo do të thotë se ka një barrierë të madhe në marrëdhëniet ndërmjet BE-së dhe SHBA-të. Ne tani kërkojmë informacion të plotë."

Schulz  ka reaguar ndaj një raporti të “Spiegel” se ishte përgjuar përfaqësia diplomatike e BE-së në Uashington dhe është monitoruar rrjeti kompjuterik. Dokumentet tregojnë gjithashtu shërbimi i inteligjencës amerikane ishte përgjegjëse për një operacion përgjimi elektronik edhe në Bruksel. “Spiegel” raportoi gjithashtu se Gjermania ka qenë një objektiv i rëndësishëm i programit global të mbikqyrjes.  Dokumentet tregojnë se NSA është më aktiv në Gjermani se sa në çdo vend tjetër në Bashkimin Evropian.

"Në qoftë se këto raporte janë të vërteta, atëherë ai është i pështirë," ka thënë edhe Ministri i Jashtëm i Luksemburgut, Zhan Aselborn. "Kjo do të thotë se shërbimet sekrete kanë dalë jashtë kontrollit. SHBA duhet të monitorojë shërbimet e saj të fshehta dhe jo të aleatëve të saj."

Redaksia online
(ar.sh/shqiptarja.com)