Për javë të tëra Forcat e Armatosura u angazhuan për pastrimin e plazhit të Divjakës, dhe të më shumë se 60 km vijë bregdetare në të gjithë vendin, duke i dhënë një tjetër pamje vijës bregdetare e duke e bërë më tërheqës për pushuesit. Efektivët e batalionit të tretë të këmbësorisë së Poshnjes dhe mjetet e rënda të Komandës Mbështetëse, larguan dhjetëra ton mbetje dhe pastruan qindra metra² nga hapësira e plazhit.
Në ditën e fundit të këtij aksioni të përbashkët me strukturat lokale, efektivët u inspektuan nga ministrja e Mbrojtjes Olta Xhaçka, e cila shoqërohej nga kryetari i bashkisë së Divjakës Fredi Kokoneshi.
50 vjetorin e krijimit të batalionit të tyre efektivët xhenio po e festojnë duke kontribuar direkt për turizmin, siç është aksioni këtu në plazhin e Divjakës. Jemi angazhuar në këto dy muajt e fundit me rreth 2500 efektivë të FA-ve në të gjithë Shqipërinë. FA i hapën rrugë projektit të bashkisë Fier për përmirësimin e infrastrukturës, janë pastruar rreth 14 mijë m³ inerte të ardhura nga prishja e ndërtesave buzë lumit Gjanicë. Djemtë tanë në uniformë janë angazhuar jo vetëm për sigurinë e jetës së komunitetit, por edhe duke vënë në dispozicion të gjitha kapacitetet që ne kemi duke filluar nga kërkim - shpëtimi, tek helikopterët tanë për evakuim ajror për të gjithë ata që mund të kenë nevoja shëndetësore.
Ministrja e Mbrojtjes, Olta Xhaçka
Veç pastrimit të vijës bregdetare, efektivët e batalionit të tretë të këmbësorisë bënë të mundur largimin e disa ton mbetjesh nga Kanali i Vaut që është edhe pjesë e parkut kombëtar Divjakë - Karavasta. Kryetari i bashkisë Fredi Kokoneshi falënderoi Forcat e Armatosura për punën, duke pohuar se mbetjet në këtë zonë të parkut që është edhe pjesë e guidës me varka, gjenden aty prej më se 28 vitesh.
Ministrja e Mbrojtjes, Olta Xhaçka ishte edhe në njësinë administrative Allkaj të bashkisë së Lushnjes, ku bashkë me kryetarin e bashkisë Fatos Tushe inspektuan urën “bailey” të ndërtuar nga Forcat e Armatosura.
Ndihmojmë jo vetëm 1100 banorët e njësisë administrative, por të ndihmojmë veçanërisht 200 familjet që kanë investuar jetën në këtë zonë, pasi jetojnë me të ardhurat nga produktet e mbjella në vreshtat, serat apo fushat këtu.
Ministrja e Mbrojtjes, Olta Xhaçka
Ura e re pranë fshatit Zhelizhan ka një peshëmbajtje prej rreth 30 ton dhe zëvendëson një urë të ndërtuar me mjete rrethanore, mbi të cilën ishte e pamundur lëvizja e mjeteve. Ndërhyrja e Forcave të Armatosura për pastrimin e plazhit të Divjakës nisi në kuadër të nismës së Ministrisë Turizmit dhe Mjedisit “Java e Tokës”, por vijoi edhe në kuadër të masave të ndërmarra në të gjithë vendin nga Ministria e Mbrojtjes, për mbarëvajtjen e sezonit turistik veror 2018.
Komente
Lajme të tjera
-
Ministri Vengu takon studentët e masterit në AFA: T'i kushtojmë më shumë rëndësi sigurisë kombëtare
16 Dhjetor, 18:51 -
Odiseja e 'Xhaçkës' s'ka fund! Bardhi kërkon rivotim në Kuvend! Vë në dijeni dhe ambasadat
13 Dhjetor, 14:22
-
Debate në Kuvend për Opinionin e Venecias për Xhaçkën/ Bardhi: Shpikët një opinion që nuk ekziston! Bushka: Autonomia parlamentare fitoi të drejtën
12 Dhjetor, 12:53 -
Berisha: Belindën mos e thërrisni më Lubi Balluku, por Lubi Loti! Si mund të ndahen 13 km rrugë në 14 kontrata?! Në 11 maj PS do pësojë disfatë të thellë
12 Dhjetor, 12:45 -
Agjencia e Mbrojtjes Civile bëhet me ‘shtëpi të re’ në 5-vjetorin e saj! Vengu: Kapacitet kombëtar, do e shtrijmë në të gjithë territorin (VIDEO)
10 Dhjetor, 17:34 -
Mandati i Xhaçkës, Komisioni i Venecias / Bushka: Vendimet e GJK, të zbatueshme por jo të diktojnë votën! Bardhi: Konfirmoi se mazhoranca bëri puç (DOKUMENTI)
10 Dhjetor, 11:24 -
Mandati i Xhaçkës shqyrtohet nga Komisioni i Venecias, pritet publikimi i opinionit! PD akuza Spiropalit: Po fsheh draftin
6 Dhjetor, 09:37 -
Paralajmëron kreu i Forcave të Armatosura të Mbretërisë së Bashkuar: Bota është në prag të epokës së tretë bërthamore
5 Dhjetor, 20:53 -
Kuvendi/ Nesër 'Komisioni i Venecias' mblidhet për mandatin e Olta Xhaçkës, Bardhi: Duam draft-opinionin, çuat atje vetëm të PS-së! Spiropali: S'është publik! S'ju ftova se më keni refuzuar
5 Dhjetor, 09:49 -
112-vjetori i Forcave të Armatosura/ Ministri i Mbrojtjes: Po përballemi me kërcënime të reja! Rajoni po ndjen presione nga faktorë keqdashës
4 Dhjetor, 16:10 -
2100 rezervistë deri në 2030-ën, Vëngu: Të rekrutuarit nuk humbasin vendet e punës, kostoja mujore 1 mijë euro për rezervist
2 Dhjetor, 17:07
-
Hapen aplikimet për Forcat e Armatosura, ja cilat janë kërkesat e nevojshme që duhen përmbushur nga çdo rekrutues
2 Dhjetor, 15:24
FA-të të mos meren me pastrimin e plazhit nga letrat e qeset, por të “pastrojnë” me urdhër junteje gjith Shqipërinë nga Konispoli në Vermosh, nga ndërtimet ULTRA TË SHEMTUARA që bajgëria fundërrinë krijoi për 27 vite të tërë! Të hedhi në tokë gjith ndërtesat në një rreze prej 2 klm që nga bregdeti për në brendësi të territorit. Kështu do të shpëtojmë nga shëmtira e fshatarëve të pazhvilluar, neandërtalë! Njëkohësisht të vihen përpara ligjit gjith fundërrinat pushtetarë të lokaliteteve që dhanë leje gjith këta vite, së bashku me noterë, avokatë, arkitektë fundërrina që kanë bërë masakra urbanistike të padëgjuara ndonjëherë!
Përgjigju