Fabrikë për pjesë këmbimi të 'Peugeot', 'Renault' dhe 'Maserati' në Elbasan, punësohen 50 persona

Fabrikë për pjesë këmbimi të 'Peugeot', 'Renault' dhe 'Maserati' në Elbasan, punësohen 50 persona

Fabrika në Elbasan për prodhimin e pjesëve të këmbimit

Pjesë këmbimi për automjetet tip "Pegueot", "Reno" dhe "Maserati" do të prodhohen në Elbasan. Kryetari i Grupit Parlamentar të Partisë Socialiste, Taulant Balla i shoqëruar nga kryetari i Bashkisë së Elbasanit, Qazim Sejdini dhe Prefekti i Qarkut, Gledjan Llatja vizituan ambiente e kompanisë “Delmon Group” me kapital Francez, e cila ushtron aktivitetin e saj në ish-Kommbinatin Metalurgjik të Elbasanit. Kjo kompani ka punësuar rreth 50 punëtorë dhe vitin që vjen pritet që numri i punonjësve të dyfishohet. Deputeti socialist tha se ky projekt garanton rivitalizimin e zone industriale të Elbasanit.

"Ne do të vazhdojmë t'ju mbështesim. Që në fillim të projektit tuaj kemi parë që është një projekt që garanton rivitalizimin e kësa zone industriale të Elbasanit. Jemi shumë krenar që viti i parë i punës shkoi më së miri, sepse 1 milion euro eksport nuk është pak dhe me ato që na premtuat ju 2019 do të shkojë 4 milion dhe që do të thotë që në mënyrë të drejtëpërdrejtë do rë rriter dhe numri i të punësuarve. Bashkë me Gledin, prefektin e qarkut jemi në shërbimin tuaj, sepse për ne rritja e numrit të punësuarve në Elbasan është objektivi kryesor për këtë vit. E kemi nisur mirë, sepse të dhënat e para të këtij viti tregojnëqë kemi një rritje të numrit të të punsuarve rishtas në Elbasan e që tregon që gjithë vëmëndja jonë për të garantuar sa më shumë njësi prodhim si kjo e juaja, që ka bërë që të kemi rezultat rritjen e punësimit. Është një lajm i mirë që kompani me emër botëror si Maserati, Peugeot, Renault të prodhojnë pjesë këmbimi këtu në Elbasan, pas Mercedez Benzit dhe Fiatit që po prodhon këtu. Po kalojmë në një fazë tjetër të sipërmarrjeve që krijojnë vende pune në qarkun tonë, janë pikërisht ato që kemi synuar, sipërmarrje prodhimi të makinerive. Shpresoj që me kompani të tjera gjermane, franceze dhe italiane të spostohemi në këtë nivel të ri të sipërmarrjeve, të cilat kalojnë nga fasoneria në një prodhim të pjesëve të këmbimit makinerive dhe automjeteve", deklaroi Balla.

Ndërsa prefekti i Elbasanit, Gledian Llatja tha se është kënaqësi që investimet e reja që vijnë në fushën e industrisë vijnë në zonë e ish-kombinatit metalurgjik, cila ka qenë një nga zonat më të mëdha industriale në Shqipëri.

"Ne në bashkëounim me Zyrën e Punës dhe qendrat profesionale jemi duke u bërë gati për të ridimensionuar tregun e punës që të kemi një staf të trajnuar. Vetëm këtë ne presim që më qendrën e trajnimit të Elbasanit të tranohen mbi 2 mijë të rinj për të marë aftësitë bazë profesionale. I sigurojmë të gjithë bizneset që në Elbasan do të gjejnë fasilitete tek pjesa administrative dhe një krah pune të mirë", u shpreh Llatja.

Ndërsa drejtori i Përgjithshëm i kompanisë "Delmon Group", Ertjan Çabiri u shpreh se kjo fabrikë prodhon pjesë gominash për automibila, klientët kryesorë janë kompani feanceze, Peugeot, Renault por edhe kompani që shesin në treg më të gjërë botëror siç është Maserati. "Kemi vetëm 6 muaj që kemi filluar dhe kemi arritu 1 milion euro xhiro prodhim. Kemi rreth 50 puntorë dhe do të dyfishohen këtë vit. Kemi pasur një ndihmë të madhe nga shteti, pasi na ka lehtësuar çdo procedurë dhe kemi ecur më shpejt se sa e mendonim", tha Çabiri.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake