POP 5

Lajmet më të lexuara të 5 minutave të fundit

Kronikë

Fabrizio Bucci takon 28 hetuesit e BKH, pas pak ditësh nisen në Romë për tu stërvitur

Ambasadori i Italisë në vendin, Fabrizio Bucci, ka zhvilluar sot paradite një takim pranë Akademisë së Sigurisë për të përshëndetur 28 pjesëtarët e Byrosë Kombëtare të Hetimit të angazhuar në veprimtari stërvitore.

Fabrizio Bucci takon 28 hetuesit e BKH, pas pak ditësh nisen në Romë për tu stërvitur

Ambasadori Italian dhe Aida Hajnaj

Ambasadori i Italisë në vendin, Fabrizio Bucci, ka zhvilluar sot paradite një takim pranë Akademisë së Sigurisë për të përshëndetur 28 pjesëtarët e Byrosë Kombëtare të Hetimit të angazhuar në veprimtari stërvitore.

Në një postim në faqen zyrtare në Facebook të ambasadës italiane thuhet se ambasadori uroi nga ana e tij hetuesit për strukturën e re, i shoqëruar nga Drejtuesi i Projektit PAMECA V dhe një përfaqësues i Zyrës për Sigurinë pranë Ambasadës, së bashku me drejtuesin e SPAK-ut, Arben Kraja dhe drejtuesen e BKH-së, Aida Veizaj Hajnaj si edhe Drejtorin e Akademisë, Bilbil Mema.

Autoritetet e sipërpërmendura do të marrin pjesë, në Romë, në një javë të ngjeshur formimi, të financuar e të organizuar nga Projekti i BE-së i drejtuar nga Italia, PAMECA V, nën kujdesin e Drejtorisë Qendrore të Policisë Kriminale dhe Drejtorisë Hetimore të Antimafias pranë Departamentit të Sigurisë Publike të Italisë.

 Ambasadori Bucci përmendi nivelin e shkëlqyer të bashkëpunimit dypalësh mes të dy Vendeve në sektorin e policisë kriminale dhe të bashkëpunimit gjyqësor, duke vënë theksin në rezultatet e shkëlqyera të arritura në ndalimin dhe arrestimin e personave në kërkim si dhe në veprimtaritë e përbashkëta përmes mekanizmit të skuadrave të përbashkëta (JIT joint investigation teams).

Prokurori Kraja dhe Drejtuesja Veizaj vunë theksin mbi rëndësinë e kësaj mundësie të dhënë nga Italia për të thelluar më tej njohuritë dhe bagazhin e tyre profesional, veçanërisht në nivel praktik, në fushën e hetimeve të ndërlikuara.

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27