POP 5

Lajmet më të lexuara të 5 minutave të fundit

Dosje

Familja e Hoxhës: Akuza të
gjejë grabitësit e Arkivit

Prokuroria e Tiranës mer në dorëzim kallëzimin penal të dërguar nga Ilir Hoxha, i cili është referuar vetëm për veprën penale dhe me asnjë emrët konkret. Sipas kallëzimit letrat personale të Enver Hoxhës janë zhdukur nga arkivi.
Familja e Hoxhës: Akuza të<br />gjejë grabitësit e Arkivit
TIRANE - Pasi është depozituar me anë të postës në datën 27 shkurt kallëzimi penal i familjes Hoxha, ka mbërritur ditën e djeshme në Prokurorinë e Tiranës. Burime nga organi i akuzës kanë bërë të ditur se janë duke verifikuar kallëzimin nga djali i madh i Enver Hoxhës, Ilir Hoxha, lidhur me zhdukjen e dokumenteve origjinale të babait të tij nga Arkivi i Shtetit. Ndërkohë të kontaktuar nga gazeta “Shqiptarja.com”, familjarët e Hoxhës, pohuan se kallëzimi nuk është adresuar kundrejt ndonjë personi siç është aluduar në media por thjesht në lidhje me zhdukjen e arkivit personal të Enverit nga arkivi i shtetit. Gjithashu burimet konfirmojnë se gjithçka ka ardhur pas kontrollit që familjarët e Hoxhës kanë bërë për javë mr radhë në arkivin qëndror duke kontrolluar gjithçka që ndodhet në arkivën e komitetit qëndror të PPSh, fondi i Enver Hoxhës. Por familjarët e Hoxhës nuk kanë dhënë detaje më shumë në lidhje me materialin kallëzues pasi sipas tyre kjo ndoshta do të ndikonte në punën e prokurorisë.

Kallëzimi në prokurori
Prokuroria e Tiranës dje ka administruar kallëzimin penal të bërë nga djali i Enver Hoxhës. Sipas burimeve pranë prokurorisë, rreth kësaj çështje shumë shpejt do thërasin për të dhënë sqarime kallëzuesin, i cili duhet të ketë dijeni për rrethanat e ngjarjes. Më pas fletë-thirje do u bëhet edhe disa prej punonjësve të Arkivit Qëndror të Shtetit, të cilët do meren në pyetje rreth kësaj çështje. Familja e ish-udhëheqësit komunist kërkon të dijë fatin e ditarit si dhe nëse janë zbatuar rregullat e arkivit të shtetit. Nga ana e saj prokuroria pritet të mbledhë dëshmitë dhe nëse ekzistojnë fakte, hetimi do të vijojë dhe nëse ka persona të implikuar ata do meren të pandehur. Në rast se nuk do arrihet të gjendet prova konkrete atëherë kallëzimi i bërë nga djali i Enver Hoxhës, Iliri, do pushohet.

Letra e Nexhmies
Në Arkivin e Shtetit të Republikës së Shqipërisë janë zhdukur dorëshkrimet origjinale të ditarëve politikë e familjarë të Enver Hoxhës, si dhe dorëshkrimet origjinale të kujtimeve të tij. Kur ka ngjarë ky akt kriminal i pashembullt, ne nuk e dimë. Ky fakt u konstatua vetëm kohët e fundit, kur familja e shqetësuar që në disa emisione televizive e në shtyp po flitej e shkruhej nga ndonjë publicist se dispononte dokumente nga arkivi personal i Enver Hoxhës, dërgoi në AQSH pjesëtaren e saj Teuta Hoxha, që kërkoi në Fondet e Dosjet përkatëse, ku rezultoi se mungonin dorëshkrimet origjinale”,–shkruhet që në hyrje të letrës publike të Nexhmije Hoxhës. Më tej, Nexhmije Hoxha sqaron se ky konstatim iu bë me dije drejtoreshës së Arkivit të Shtetit, ndërsa kjo e fundit pasi bëri verifikimet e saj, i ka komunikuar familjes Hoxha përmes shkresave të muajit dhjetor 2011 për mosekzistencën e këtyre materialeve në fondet e këtij Arkivi. Kaq ka mjaftuar që familja Hoxha, të verë alarmin duke përpiluar një kallëzim penal, të cilin momentalisht e ka depozituar në prokurorinë e Tiranës. Tashmë i ngelet kësaj të fundit që të hedhë dritë mbi vërtetësinë e këtij kallëzimi, ku pretendohen se persona të paidentifikuar që mund të jenë punonjës të arkivit mund të kenë shitur ditarin personal të ish-diktatorit Enver Hoxha. Kallëzimi mori spunto nga botimi i libirit të gazetarit Blendi Fevziu, i cili në të ka botuar një sërë dorëshkrimesh që tregojnë krimet e bëra nga rregjimi komunist me urdhër të vetë drejtuesit të shtetit. (shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça