Edhe familja e Ymer Alushit, në fshatin Prush të Vaqarrit, do ta kalojë Vitin e Ri në shtëpinë e re, e ndërtuar nga e para pas shkatërrimit që la pas tërmeti i 26 Nëntorit. Kryetari i Bashkisë së Tiranës, Erion Veliaj, së bashku me ministrin e Rindërtimit, Arben Ahmetaj dhe Prefektin e Tiranës, Toni Gogu, vizituan familjen Alushi me 8 anëtarë, e cila sapo mori çelësat e shtëpisë së re falë programit të rindërtimit.
Kryebashkiaku Veliaj tha se rindërtimi është sot prova më e qartë e një qeverie që di të ringrihet edhe pas një fatkeqësie si ajo e tërmetit apo e pandemisë, dhe se ky proces do të hyjë në histori si sukses për mijëra familje të prekura nga tragjedia.
“Një fatkeqësi mund të të tulasë, të të bëjë të dorëzohesh, ose mund të të mobilizojë të ngrihesh dhe të thuash: ‘do bëhem më i fortë, do solidarizohem më shumë, do krijoj një rrjet mbështetësish’. Siç do hyjë tërmeti në histori, si një nga fatkeqësitë më të mëdha që i ka ndodhur Shqipërisë, por edhe pandemia, e cila preku gjithë botën, ashtu do të hyjë në histori edhe ringritja jonë. Ka kaluar vetëm një vit dhe çdo ditë po shohim familje që hyjnë në shtëpi të reja. Është një lajm i jashtëzakonshëm! Ne shqiptarët mund të rrëzohemi për gjëra që nuk i kemi në dorë, si tërmeti apo pandemia, por bëhemi bashkë për gjëra që i kemi në dorë si ringritja,” tha ai.
Veliaj shtoi se ashtu si familja Alushi, për pak ditë do të hyjnë në shtëpitë e reja edhe 150 familje të tjera.
“Viti tjetër është viti i ndërtimit të pallateve. Shtëpitë individuale bëhen pak më kollaj dhe zgjidhin një hall të madh për një familje. Por, pallatet do të strehojnë një numër të madh familjesh. Qeveria na ka dhënë financat për të paguar bonusin e qirasë deri në ditën kur secili të marrë çelësin dhe hipotekën e shtëpisë në dorë,” u shpreh kryetari i Bashkisë.
Edhe ministri i Rindërtimit, Arben Ahmetaj tha se paralelisht me lagjen e re në zonën e “5 Majit”, vitin që vjen nis edhe lagjja e re në Kombinat. “Jo më larg se dy kilometra nga këtu, në janar fillojmë punën për një poliqendër të re të Tiranës, njësoj si tek “5 Maji”, ku tashmë kemi nisur. Të njëjtën gjë po bëjmë në Durrës, në Shijak dhe Kavajë”, tha Ahmetaj.
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilje Krishtlindjesh, Pastori Akil Pano: Ngjarja më e madhe në besimin e krishterë! Të hapim zemrën e të ndihmojmë njerëzit në nevojë
24 Dhjetor, 19:23 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Fluks lëvizjesh në Kapshticë! Punohet me 6 sportele për të shmangur radhët dhe pritjet
24 Dhjetor, 14:29 -
Festat e fundvitit, policia rrit masat e sigurisë! Shtohet prezenca policore në pedonale, objekte kulti dhe sheshe publike në të gjithë vendin
24 Dhjetor, 13:25 -
Ministri Hoxha pret ambasadoren greke: Shtim të sporteleve në pika kufitare, për të lehtësuar lëvizjen e qytetarëve
23 Dhjetor, 13:37 -
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38
