POP 5

Lajmet më të lexuara të 5 minutave të fundit

Sociale

Familja me 5 anëtarë në çadër pas tërmetit, kryefamiljari i paralizuar: S'largohem dot nga fshati, kam gjënë e gjallë

Edhe pse kanë më shumë se 3 javë nga tërmeti i 26 nëntorit familja me 5 anëtarë në Pllanë të Lezhës jeton ende në çadër. Familja bën apel për ndihmë pasi kryefamiljari  është I paralizuar dhe në këto kushte nuk mund të jetojë në çadër .

LEZHË- Familja me 5 anëtarë në Pllanë të Lezhës jeton prej më shumë se 2 javësh në një çadër pasi tërmeti i 26 nëntorit i dëmtoi shtëpinë.

Kryefamiljari Valentin Vuka është i paralizuar, ai qëndron në një karrige me rrota. Në këto kushte jetesa në çadër bëhet edhe më e vështirë për të dhe familjarët. Çifti i bashkëshortëve  kërkojnë ndihmë nga institucionet përkatëse. Ata shprehen se nuk mund të largohen nga fshati për shkak të gjësë së gjallë.

“Shumë vështirë, më kalamaj me gruan këtu në çadër, na kanë ofruar po ku të shkojmë, ku ti lë unë këto bagëti. Është e pamundur, banesa ka mbaruar, jashtë përdorimit”, thotë kryefamiljari Valentin Vuka.

“Shumë vështirë, në pik të dimrit të rrish në çadër, s’ka më keq. Nuk përballohet dimri me qen shëndosh e mirë e jo me të sëmurë në shtëpi. Apeli im që sa më shpejt me më bo një ndërtesë, të fut fëmijët’, tha Albina Vuka.

Në fshatrat e Njësisisë Administrative të Zejemit tërmeti ka dëmtuar rëndë një numër të konsiderueshëm banesash.  Shumë familje vijojnë të rrezikojnë jetën, duke qëndruar në shtëpitë e shkatërruara, ata thonë se ende nuk ju është siguruar një vendstrehim.

“Shtëpia është e mbaruar për Zotin, vetëm të rri dhe të më zërë brenda. Me frikë, e trishtuar. Kanë ardhur dje dhe na kanë thënë mos të rrimë brenda asnjë minutë", thotë një nga banoret.

Ndërkohë Bashkia Lezhë vijon punën në terren për verifikimin e banesave të dëmtuara nga tërmeti. Banorët të cilët kanë ngelur të pastrehë pas tërmetit mund të aplikojnë për bonus qiraje.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Blinken, Fidan diskutojnë për të ardhmen e Sirisë

Blinken, Fidan diskutojnë për të ardhmen e Sirisë

28 Dhjetor, 20:51