Nga rezultatet e deritanishme, Lulzim Basha ka arritur të marrë një mandat të tretë për drejtimin e PD, pasi është konfirmuar në krye të partisë më të madhe në vend me 81% të votave, ndërsa kandidati Fatbardh Kadilli i cili ka fituar 1.8% të votave ka pranuar rezultatin, ndonëse i cilësoi zgjedhjet e 13 qershorit më keq se ato parlamentare.
Duke pretenduar se ishte një garë e pabarabartë, Kadilli thotë se këto zgjedhje ishin më keq se ato parlamentare. Megjithatë ai siguron se nuk do të ikë nga PD apo të krijojë parti të re, por me bindje deklaroi se se do të vijojë të qëndrojë në parti për të shpalosur manifestin politik për rigritjen e saj.
"Jam krenar që në partinë time ndeza shkëndijën e parë të garës më shumë se një garë ishte një sfidë, falë kësaj sfide demokratët patët mundësinë të mos shkonin symbuullur drejt mandatit të 3. Ata që votuan dhe bojkotuan kanë dhënë mesazhe dhe kanë marrë përgjegjësi për zgjedhjen e tyre. Skjam këtu për të përligjur mandatin tim dhe as fitoren publicitare të lulit.
Pabarazi burimesh financiare. Patë një kryetar që nuk lëshoi zyrën, patë deputetë dhe kryetarë degësh... Patë tu zvogëlohej lista e anëtravëve, të gjitha sna bëjnë nder na bëjnë të pazotë në sytë e shqiptarëve për përgjegjesite qe na presim. Ofruam një garë por jo standarde. Brenda partisë zgjedhjet ishin më keq se ato parlamentare. Megjithatë unë nuk jam luli unë e pranoj këtë rezultat dhe vendimin e demokratëve. Ato qindra vota që mbështetën kandidimin tim janë fitili.... Unë nuk iki nuk dorëzohem nuk krijoj parti të re, do vijoj me këmbëngulje këtë projekt kryengritjeje, vetëm kështu demokratët do të kenë një parti të tyre dhe vetëm kështu politika bëhet e vërtetë", tha Kadilli.
Kadilli është pyetur nëse i ka dërguar ndonjë mesazh Bashës pas rezultatit, por ai prerazi thekson se do e uronte për fitoren nëse kjo garë do të ishte e barabartë. Madje kandidati demokrat thotë se Basha e ka gjetur Kadillin në parti dhe me bindje thotë se do e lërë pas, duke nënkuptuar largimin e kreut të PD.
Pas zyrtarizimit të fitores së Bashës ka reaguar edhe Agron Shehaj, i cili nuk ka bërë asnjë koment në lidhje me mënyrën se si u zhvillua procesi i zgjedhjeve, ndërsa ka falënderuar të gjithë demokratët që e mbështetën.
Kreu aktual i Partisë Demokratike Basha, ashtu si rivali i tij politik ka arritur të marrë një mandat të tretë, pasi është konfirmuar bindshëm në krye të partisë së tij për herë të tretë radhazi me 81% të votave. Pas tij më i votuari ndër kandidatët është renditur Agron Shehaj. Ndërkohë që Fatbardh Kadilli ka fituar 1.8% të votave dhe Edit Harxhi ka marrë 2.4 %. Sipas shifrave zyrtare të publikuara nga Partia Demokratike 54.5% e demokratëve morën pjesë në votime ose 41.100. Nga këto 40.674 vota ishin të vlefshme dhe Lulzim Basha ka fituar me 32.882 ose 81%. Procesi zgjedhor u shoqërua edhe me akuza nga rivalët e Bashës. Nishani e cilësoi maskaradë elektorale, duke lënë të kuptohet se është manipuluar procesi nga Lulzim Basha. Ndërkohë që pati edhe ankesa nga shumë anëtarë të PD-së se nuk e kishin emrin në listë për të votuar.
Agron Shehaj nuk mundi të fitonte garën për kryetarin e PD, ndërsa pas zyrtarizimit të fitores së Lulzim Bashës ka reaguar me një falënderim për të gjithë demokratë që e mbështetën.
“Ju falenderoj me gjithë zemër të gjithë ju demokratëve që më votuat. Ju jam mirënjohës juve dhe gjithë qytetarëve që më besuan dhe më mbështetën për të sjellë një frymë dhe qasje të re në politikë. Ndihem pafund mirënjohës ndaj vëzhguesve dhe ekipit që punoi me mua këto tre javë”, shkruan ai.
Shehaj ishte i dyti pas Bashës më i votuari, duke marrë 6038 vota në total.
Fatbardh Kadilli tha se nuk ka për t'u larguar nga partia dhe se Lulzim Basha e ka gjetur atë në PD dhe do e lejë aty. Kadilli tha se do të qëndrojë në parti pavarësisht se kush është kryetar i sa.
"E kam thënë, unë nuk largohem nga partia pavarësisht si quhet kryetari i partisë dhe as se çfarë raportesh kam unë me të. Lulzim Basha më ka gjetur në PD dhe do më lejë këtu. Jam që në ditën zero në politike në këtë parti, kam kontribuar dhe po kontribuoj në këtë parti dhe nuk kam plan të largohem. Jeta më ka mësuar të duroj dhe të mos dorëzohem kurrë", tha Kadilli.
Fatbardh Kadilli tha se nuk i e ka uruar Lulzim Bashën për fitoren pasi gara mes kandidatëve nuk ishte e barabartë. Ai tha se pranon humbjen dhe se urimin do e bënte nëse gara do të ishte e barabartë.
"E kam thënë që në fillim që gara ishte e pabarabartë dhe do urojë një fitues që do të dilte nga një garë e barabartë", tha Kadilli.
Lajme të tjera
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Tiranë/ Digjen 3 autobusë gjatë natës tek Ish-Uzina e Autotraktorit (VIDEO)
24 Dhjetor, 08:09 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
