POP 5

Lajmet më të lexuara të 5 minutave të fundit

Kronikë

Faza e parë e regjistrimeve në Universitetin e Tiranës, plotësohen 64% e kuotave! Mungesë studentësh, gjuha ruse e greke nuk do hapen

Ka përfunduar faza e parë e regjistrimit të studentëve të rinj në Universitetin e Tiranës. Rektori Artan Hoxha thotë se kanë mbetur të lira dhe 1874 kuota, ndërsa tregon dhe degët që nuk do të hapen këtë vit pasi nuk ka interes nga studentët.

Në përfundimin e fazës së parë të regjistrimeve, në Universitetin e Tiranës janë përmbushur 64% e kuotave. Rektori Artan Hoxha tha se edhe këtë vit ka pasur numër të lartë aplikimesh.

"Janë 58,472 aplikime në Universitetin e Tiranës. Kuotat në Universitetin e Tiranës janë 5133. Numri i regjistrimeve është 3258. Kuota të lira Universiteti i Tiranës ka në të gjithë programet e veta 1874".

Më të preferuar nga të rinjt mbeten degët e Informatikës, Financë, Drejtësi, e Teknologji Informacioni. Nga ana tjetër ka një interes të ulët për disa degë si Kimi, Fizikë, Filozofi dhe disa gjuhë të huaja që edhe këtë vit nuk do të hapen për mungesë të studentëve.

"Gjuhën ruse, gjuhën greke e kemi pasur me problematik. Në gjuhën greke nuk kemi asnjë të regjistruar, në gjuhën ruse kemi vetëm një".

Edhe në degët e mësuesisë ka problematika. Rektori Artan Hoxha thotë se një arsye është dhe forcimi i kritereve pranuese që ka kjo degë.

"Një element tjetër është nota mesatare e cila nëse në futjen e programeve në përgjithësi është 6.5, në gjuhët e huaja që përfundojnë edhe me mësuesi është 7 dhe në programet e tjera është 7.5 që do të thotë që mekanizmi që një maturant i mirë do jetë një mësues i mirë dhe që të jetë i mirë duhet të ketë një notë mesatare më të lartë se të tjerët ka bërë që të bjeri numri i atyre që aplikojnë".

Viti i ri akademik do të nisë më 11 tetor. Kryeministri Edi Rama u ka bërë edhe një herë thirrje studentëve të vaksinohen duke u kujtuar se pa vaksinë nuk do të hyjnë në auditore.  

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Vokshi-mazhorancës: A keni turp që nuk miratoni kërkesat për informacion? Sterilizimi dhe check up po paguajnë që të pengohen hetimet e Komisionit

Vokshi-mazhorancës: A keni turp që nuk miratoni kërkesat për informacion? Sterilizimi dhe check up po paguajnë që të pengohen hetimet e Komisionit

25 Prill, 11:56