POP 5

Lajmet më të lexuara të 5 minutave të fundit

Bota

FBI hetim pas akuzave të Trump për sulm kibernetik iranian! Ekipi i kandidatit për president: Janë vjedhur dokumente të ndjeshme fushate

Një hetim të plotë ka nisur FBI pas akuzave të fundit nga ekipi elektoral i ish presidentit Trump se janë vjedhur dokumente të rëndësishme nga një sulm kibernetik që vinte nga Irani. Po ashtu agjentët e FBI, po hetojnë edhe për ndërhyrje të mundshme në fushatën e kampit tjetër, pasi në qershor kishte dyshime se Irani po përpiqej të vidhte informacione dy fushatat presidenciale në ShBA.

FBI bëri të ditur se po kryen hetime pasi ekipi i fushatës i ish-Presidentit Donald Trump tha se ishin vjedhur dokumente të ndjeshme të fushatës, disa ditë pasi kishin akuzuar për një sulm kibernetik Iranin. FBI-ja lëshoi një deklaratë të shkurtër ku thuhej se ‘mund të konfirmojmë se FBI po e heton këtë çështje".

Ekipi i kandidatit republikan nuk dha prova konkrete të përfshirjes së Iranit, por pretendimi erdhi menjëherë pasi Microsoft lëshoi një raport që detajonte përpjekjet e agjentëve të huaj për të ndërhyrë në fushatën presidenciale të këtij viti në Shtetet e Bashkuara.

Në raport përmendej një rast në qershor kur një njësi e zbulimit ushtarak iranian i kishte dërguar një virus në formën e “një emaili ndaj një zyrtari të lartë të një ekipi të një fushate presidenciale nga një llogari e-maili e komprometuar e një ish-këshilltari të lartë.” I pyetur mbi pretendimin e ekipit të zotit Trump, misioni i Iranit në OKB mohoi që Teherani të ishte i përfshirë.

FBI po heton gjithashtu lidhur me një ndërhyrje të mundshme ndaj këshilltarëve të ekipit të fushatës së Presidentit Joe Biden dhe Nënpresidentes Kamala Harris, raportoi në një shkrim të fundit gazeta Washington Post. FBI e filloi hetimin për këtë ndërhyrje të mundshme në qershor, kur zoti Biden nuk ishte tërhequr nga kandidimi për një mandat të dytë, nën dyshimin se Irani qëndronte pas përpjekjeve për të vjedhur informacion nga dy fushatat presidenciale në Shtetet e Bashkuara, thotë gazeta duke cituar disa burime.

M.Q./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03