Prokurori i posaçëm, John Durham i ka dhënë fund hetimit të tij katërvjeçar mbi shkeljet e mundshme të FBI-së në hetimin e saj mbi lidhjet mes Rusisë dhe fushatës presidenciale të zotit Trump në vitin 2016.
Raporti, i publikuar të hënën nga prokurori Durham kritikon ashpër FBI-në, por rezultatet e tij janë larg parashikimit të ish-presidentit Trump se ai do të zbulonte "krimin e shekullit".
Raporti përfaqëson kulmin e shumëpritur të një hetimi që zoti Trump dhe aleatët e tij kishin pretenduar se do të ekspozonte shkelje masive nga zyrtarët e zbatimit të ligjit dhe ata të shërbimeve të zbulimit. Në vend të kësaj, hetimi i prokurorit Durham dha rezultate të vogla, me prokurorët që siguruan një pranim fajësie nga një punonjës pak i njohur i FBI-së dhe dy raste penale që përfunduan në gjyq pa dënime.
Raporti gati 300 faqësh përmend ato që prokurori Durham thotë se ishin një numër gabimesh të njëpasnjëshme nga FBI-ja dhe Departamenti i Drejtësisë, ndërsa hetuesit kryen një hetim me pasoja të mëdha politike në vlugun e zgjedhjeve të 2016-ës për të mësuar nëse fushata e zotit Trump po bashkëpunonte me Rusinë për të ndryshuar rezultatin e zgjedhjeve.
Raporti kritikon FBI-në për hapjen e një hetimi të plotë bazuar në "të dhëna të papërpunuara, të pa analizuara dhe të pavërtetuara të shërbimeve të zbulimit", duke thënë se shpejtësia me të cilën FBI-ja e bëri këtë ishte një distancim nga norma. Ai gjithashtu tha se hetuesit u mbështetën në mënyrë të përsëritur në "paragjykimet e konfirmimit", duke injoruar provat që nënvlerësonin premisat e tyre për një komplot Trump-Rusi ndërsa ata avanconin hetimin.
John Durham, ish-prokuror Federal në Kënektiket, u emëruar në vitin 2019 nga Prokurori i Përgjithshëm William Barr, për të hetuar shkeljet e mundshme të FBI-së në hetimin e saj mbi lidhjet e mundshme të fushatës së zotit Trump me Rusinë. Emërimi i prokurorit Durham u bë menjëherë pas përfundimit të hetimit të prokurorit të posaçëm Robert Mueller mbi lidhjet e mundshme të fushatës së zotit Trump me Rusinë.VOA
Lajme të tjera
-
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08
