POP 5

Lajmet më të lexuara të 5 minutave të fundit

Bota

FDA miraton dozën përforcuese të Pfizerit për fëmijë 12 vjeç e lartë

Administrata e Ushqimit dhe Barnave, FDA miratoi dozën e tretë, përforcuese, të vaksinës Pfizer, për fëmijët në moshën 12 vjeç e lartë, ndërsa vendi ndeshet me një shtim të lartë të rasteve me Omicron

FDA miraton dozën përforcuese të Pfizerit për fëmijë 12 vjeç e lartë

Administrata e Ushqimit dhe Barnave, FDA miratoi dozën e tretë, përforcuese, të vaksinës Pfizer, për fëmijët në moshën 12 vjeç e lartë, ndërsa vendi ndeshet me një shtim të lartë të rasteve me Omicron.

Deri tani doza përforcuese rekomandohej për moshat 16 vjeç e lart.

Miratimi, që vjen ndërsa nxënësit rifillojnë shkollën pas pushimeve, nuk është hapi përfundimtar. Qendrat për Kontrollin dhe Parandalimin e Sëmundjeve (CDC) duhet të japin miratimin e tyre, para se të fillojë përdorimi i dozës së tretë tek fëmojët 12 vjeç.

Dr. Rochelle Walensky, drejtoresha e CDC-së, tha se vendimi pritet të merret këtë javë.

FDA-ja tha gjithashtu se të gjithë fëmijët 12 vjeç e lart që kualifikohen për një dozë përforcuese mund ta marrin atë pesë muaj pas dozës së fundit, në vend të gjashtë muajve.

Vaksinat ende ofrojnë mbrojtje të fortë kundër sëmundjeve të rënda nga çdo lloj COVID-19. Por autoritetet shëndetësore po u bëjnë thirrje të gjithë atyre që kualifikohen, që të marrin dozën përforcuese, pasi ajo ofron shansin më të mirë për të shmangur infeksionet më të rënda nga varianti shumë ngjitës Omikron.

Fëmijët zakonusht e kalojnë më lehtë COVID-19 sesa të rriturit. Por shtrimet e tyre në spital po rriten gjatë valës së Omikronit -- shumica e tyre të pavaksinuar.

Vaksina e prodhuar nga Pfizer dhe partneri i saj BioNTech është opsioni i vetëm në SHBA për fëmijët e çdo moshe. Sipas CDC-së, rreth 13.5 milionë fëmijë 12 deri në 17 vjeç - pak më shumë se gjysma e asaj grupmoshe - kanë marrë dy doza të vaksinës së Pfizerit.

Kompania Pfizer ndërkohë, po studion një formë vaksine me doza më të vogla, për fëmijët nën 5 vjeç./ VOA

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

25 Dhjetor, 07:51