Felaj: Komisioni hetimor për
CEZ pengon punën e prokurorisë

Ermonela Felaj, ministrja për Marrëdhëniet me Parlamentin tha sot se ngritja e komisionit hetimor lidhur me marrëveshjen mes Qeverisë shqiptare dhe CEZ-it pengon hetimet e prokurorisë.

Nga foltorja e parlamentit, Felaj u shpreh se ngritja e komisionit, që është kërkesë e Partisë Demokratike, ushtron presion mbi prokurorinë që aktualisht po heton për këtë çështje, cënon provat si dhe është një mënyrë "për të shmangur fajtorët e vërtetë".

Felaj u ndal edhe në dy komisionet hetimore që aktualisht kryejnë funksionin e tyre, atë për serverin e tatimtve dhe për emërimet në administra: “Më shumë se 2 vjet kemi 2 komisione dhe puna është e pa përfunduar, ju asgjë nuk do përfundoni”, ndërsa shtoi se kur PS ishte në opozitë kërkesat e saj për ngritjen e komisioneve hetimore nuk janë pranuar.

“Përfunduimisht për ju vlen qartë shprehja. Ngritja e komisioneve hetimore mjeti më i mirë për të kaluar kohë”, e mbylli fjalën e saj Felaj.

Redaksia Online
(m.b/shqiptarja.com)