Receta

Fërgesë me kimë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 7 Shkurt, 12:01 | Përditesimi: 7 Shkurt, 12:02

Fërgesë me kimë

Përbërësit:

400 gr mish të grirë
2 speca të kuq
2 domate të pjekura
1 qepë mesatare
200 gr gjizë ose djathë të bardhë
2 lugë gjelle salcë domatesh
1 lugë gjelle miell
2-3 lugë gjelle vaj ulliri
Kripë dhe piper sipas shijes
Spec i kuq pluhur
Majdanoz i grirë për zbukurim

Përgatitja:

LEXO EDHE:
Patate me bizele në tigan nga zonja Albana

Në një tigan me vaj ulliri kaurdisim qepën e grirë imët derisa të zbutet. Shtojmë mishin e grirë dhe e skuqim derisa të marrë ngjyrë të artë. Shtojmë specat e grirë imët dhe i lëmë të skuqen për disa minuta. Më pas shtojmë domatet e grira dhe salcën e domates. E lëmë të ziejë për 10-15 minuta derisa të avullojë lëngu i tepërt. Ndërkohë në një tigan tjetër, ngrohim pak vaj dhe shtojmë miellin, duke e përzier shpejt që të mos ngjitet. Shtojmë djathin e thërrmuar ose gjizën dhe e përziejmë derisa të bëhet një masë kremoze. E shtojmë këtë masë te mishi me perime, duke e përzier mirë që të bashkohen shijet. Në fund e hedhim gatimin në një tavë dhe e pjekim në furrë të parangrohur në 200°C për 10-15 minuta, derisa të krijohet një kore e lehtë në sipërfaqe.

MC/Shqiptarja.com

TAG: