POP 5

Lajmet më të lexuara të 5 minutave të fundit

Ekonomi

Fermerët në Fier mbështesin nisëm e Braçes që grumbulluesit t’i paguajnë brenda 60 ditëve: Gjë shumë e mirë, të realizohet

Nisma e deputetit socialist Erion Brace për të detyruar grumbulluesit brenda 60- ditëve për të shlyer pagesat e fermerëve është mirëpritur edhe nga kultivuesit e Frakullës ne Fier.

Nisma e deputetit socialist Erion Brace për të detyruar grumbulluesit brenda 60- ditëve për të shlyer pagesat e fermerëve është mirëpritur edhe nga kultivuesit e Frakullës ne Fier. Ata janë shprehur se ky ligj u vjen në ndihme fermerëve pasi do të zgjidhte ngërçin e krijuar me pikat e grumbullimit për pagesat e prodhimeve bujqësore.

Sipas fermerëve përgjatë gjithë këtyre viteve shteti nuk ka funksionuar si rregullator tregu dhe kjo ka bërë që pikat e grumbullimit, veçanërisht gjatë tre viteve të fundit të abuzojnë me çmimet.

“Gjë e mirë shumë është. Punojnë çunat e nuk marrim asgjë. Këtu tek ne nuk ka pika grumbullimi fare. Vetëm luleshtrydhja. Prodhimet e tjera nuk i marrin fare.

Të jem i sinqertë, nuk kam kontakt me pikat e grumbullimit. Por tregtarët që punojnë ankohen që kanë probleme me pagesat. Një rast që di i unë ka shkuar deri në vit dhe nuk janë marrë lekët ende. Normalisht që të pengojnë. Është normale të shpenzosh e mos të marrësh nga ato që shpenzon? Se di sa funksional do jetë, por normal që duhet të ekzistojë. Nëse jep rezultat dhe është e mundur përse të mos bëhet.

I japin për dy muaj. Edhe tani pa ligj i japin për dy muaj. Kur i ka kërkuar fermeri i ka marrë. Jo më shumë se dy muaj. Ku bëhet bujqësia pa mbështetje”, shprehen fermerët.

Ky ligj u bllokua në Kuvend dy muaj më parë duke ngjallur zemërim te fermerët e madje reagim të ashpër të deputetit Braçe, i cili denoncoi kreun e grupit parlamentar socialist Taulant Balla si autor të bllokimit të një ligji që do u vinte në ndihmë bujqve.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 25/01/2023 18:39

    Vetem bursa bujqesore ose pikat e grumbullimit te vet prodhuesve do te rregullojne cmimet .Monopoli eshte ne dem te fermerit

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump

Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump

18 Dhjetor, 17:12