POP 5

Lajmet më të lexuara të 5 minutave të fundit

Sociale

Fermeri nga Elbasani: Lakra me 30 lek/kg, s’kam leverdi! Shteti të ndalë abuzimin e grumbulluesve me çmimet

Fermeri Osman Sula nga Jagodina e Elbasanit ka kultivuar dy hektarë lakër belge në sera, por tashmë përballet me vështirësitë e tregut. Ai tha për Report TV se pikat e grumbullimit e marrin produktin me çmim të lirë, çka po e çon në faliment. Shqetësimi është i njëjtë edhe për fermeret e tjerë të kësaj zone mjaft prodhuese

Elbasan- Prej 3 dekadash fermeri, Osman Sula, nga fshati Jagodinë i Elbasanit merret me kultivimin e perimeve në sera. Sot ai ka dy hektarë sera, dhe është e punësuar gjithë familja.

Ka investuar në kultivimin e lakrës dhe tashmë që është koha e vjeljes shprehet i pakënaqur me çmimin e shitjes. Fermeri 60-vjecar thotë se tregtarët e marrin lakrën me 30 lek për kg, çmim që nuk justifikon mundin dhe shpenzimet e shumta, si plehrat kimike, fidanët, etj. Në këto kushte thotë ai rrezikoj falimentin.

“Ka rënë çmimi i lakrës së Brukselit. Ne nuk justifikojmë mundin as shpenzimet”, tha fermeri Osman Sula.

Tjetër shqetësim për fermerin nga Jagodina është mungesa e krahut të punës.

“Punëtorë nuk gjejme, ata pak të rinjtë që kanë mbetur nuk vijnë se duan paga të larta”,  shprehet ai.

Fermeri kërkon nga shteti të ndalë abuzimin e tregtarëve të medhenj, ndryshe grumbulluesve që blejnë me çmime të lira tek fermret dhe shesin shtrenjtë tek konsumatorët.

“Tregtarët e mëdhenj duhet t’i kontrollojë shteti, sepse ne dalim me humbje, ndaj duhet të gjejë një zgjidhje”, tha me tej. 

Zona bujqësore e Jagodinës njihet ndryshe si “Myzeqeja e Elbasanit”, por nuk ka pika grumbullimi ndaj fermerët i dërgojnë perimet në Lushnje. Transporti është një tjeter kosto e shtuar për ta.

S.G/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Greqia duhet pa kushte në krah të Shqipërisë drejt BE-së dhe pyetjeve që nuk iu përgjigjet kryeministri Mitsotakis dhe tanët

Greqia duhet pa kushte në krah të Shqipërisë drejt BE-së dhe pyetjeve që nuk iu përgjigjet kryeministri Mitsotakis dhe tanët

10 Janar, 14:22 nga Alba Malltezi