Nëse ëndërroni të punoni në një kompani prestigjioze, mund të jeni me fat, pasi Ferrari është duke kërkuar punonjës.

Kompania automobilistike italiane ka njoftuar se kërkon të punësojë pesë inxhinierë, në bazën e komapnisë në Maranello, Itali.

Gjithashtu, Ferrari ka njoftuar se është e interesuar për të punësuar edhe tre specialistë në fushën e marketingut dhe menaxhimit.

Për të aplikuar për një nga pozicionet vakante, mjafton të plotësosh online CV-në në faqen zyrtare të kompanisë, me të dhënat personale, arsimimin, eksperiencat e punës, gjuhët e huaja që zotëron, etj.

Pas kësaj procedure, në e-mailn tënd vjen një mesazh nga zyra e burimeve njerëzore të kopanisë së prodhimit të makinave luksoze: “Ne do të kujdesemi për të kontaktuar me ju në rast se mundësitë profesionale, përputhen me profilin tuaj profesional”.

ferrari mail
 
Ndërsa, revista online “Car and Driver”, e specializuar në fushën e automobilizmit, shkruan se ka zbuluar pyetjet që aplikantët për inxhier përballen në intervistën e punës. 

Sipas revistës, janë 10 pyetje të cilave çdo aplikant duhet t’u përgjigjet saktë. Madje “Car and Driver” publikon edhe edhe ato që sipas saj, janë përgjigjet e sakta.

Redaksia Online
(m.b/shqiptarja.com)