Festa tek këndi i fëmijëve,Veliaj:
Të harrojmë ç'ndodhi, ecim para

Është inauguruar sot nga Bashkia e Tiranës këndi i lojrave për fëmijë tek parku i liqenit artificial, ku kryetari i saj Erion Veliaj ka thënë se duhet të harrojmë gjithçka çfarë ndodhur dhe të ecim përpara.

Veliaj ka shtuar se Bashkia e Tiranës do të vazhdojë punën e saj për projektet e tjera për fëmijët dhe qytetarët e Tiranës dhe se ky inaugurim nuk është karshillëk që i bëhet atyre që e kundërshtuan, por është një mundësi e mirë që gjithkush të kontribuojë për qytetin.
 
“Unë e Bashkia do shohim përpara, i di të gjithë kundërshtitë e debatet por sot duhet te jemi të bashkuar. Ndodhi çfarë ndodhi, unë i fal. Inatet e të rriturve nuk duhet të pengojnë zhvillimin e Tiranës, projektet e fëmijëve. Për të gjithë ata që donin referendum ky është referendumi më i mirë. Puna në Tiranë duhet të vazhdojë. Nuk ka asnjë kafe, nuk është prerë asnjë pemë, të mos bëjmë histeri, të lëmë ata që duan të punojnë. Të vijnë e të mbjellin pemë, të bëjnë lodra, më mirë të bëjmë garë ku secili të mund të punojë sesa me stërkëmbësha. Tek fëmijët nuk duhet të ketë ngjyrime politike. Sherret e politikës ti bëjmë në Kuvend, qytetin t’ia lëmë qytetarëve. Ky nuk është moment për hakmarrje apo karshillëk. Sot të përveshim mëngët për punët e tjera. Kjo ishte dhurata e Bashkisë së Tiranës për ju” tha Veliaj.


(Kreu i Bashkisë Veliaj në parkun e fëmijëve tek Liqeni, takon vogëlushët)

Nga ana tjetër, ai ka falënderuar të gjithë ata që kanë kontribuuar për ndërtimin e këtij këndi lojrash dhe ka theksuar se fëmijët janë prioritet i Bashkisë së Tiranës e cila do të ndërtojë kënde të tjera.
 
“Faleminderit stafit të Bashkisë, uroj që Tirana të na gjejë të bashkuar, të harrojmë zënkat e të punojmë për fëmijët. Bashkia ka vendosur prioritet fëmijët, pasi ato janë e ardhmja. Punimet u bënë pas çdo shkatërrimi. Më e fortë është shumica e heshtur e njerëzve të drejtë se pakica e zhurmshme e atyre‘ tha Veliaj.

Qindra fëmijë kanë mbërritur tek këndi i lojrave për ta shijuar atë duke festuar kështu në mënyrën më të mirë të mundshme 1 qershorin, Ditën Ndërkombëtare të Fëmijëve.
 
Ky kënd, që nisi të ndërtohej nga Bashkia e Tiranës do të jetë falas për të gjithë fëmijët, ndërkohë që do të menaxhohet nga Agjencia e Rekreacionit.


(Video 30 minuta, nga parku i fëmijëve tek Liqeni sot në mëngjes)
 



(Parku i fëmijëve tek Liqeni, fotot Antonio Çakshiri/Shqiptarja.com)  Foto të tjera

11:00 Abaz Hado: Mbajtëm premtimin, parku u ndërtua dhe ëhstë falas për të gjithë
Nënkryetari i Bashkisë së Tiranës, Abaz Hado në një intervistë të dhënë për Report Tv ka thënës e Bashkia e Tiranës mbajti premtimin e dhënë për ndërtimin e këndit të lojrave për fëmijë tek liqeni artificial dhe ai do të jetë falas për të gjithë fëmijët e kryeqytetit.
 
‘Ne mbajtëm premtimin, ishim shumë serioz dhe bëmë diçka të mrekullueshme. Po punohet shumë mirë. Ky projekt i duhej këtij vendi, e gjallëron e zbukuron, i jep mundësi njerëzve dhe fëmijëve që të argëtohen. Është shumë modern, evropian. Është vetëm fillimi, premtojmë se do ketë të tjera parqe pasi një qytet dinamik e evropian duhet të ketë jeshil e bukuri, vende ku argëtohen njerëzit’ tha ai.
 
Duke u ndalur tek kapacitetet e këtij këndi, Hado ka shtuar se ai ëhstë llogaritur që të mbajë një numër të madh fëmijësh, çka e fakton edhe prania e fëmijëqve që sot u argëtuan aty.
 
“Fakti që sot mban kapacitetin maksimal, besoj që në ditët normale ky park e tejkalon pritshmërinë për të pasur hapësirat e duhura për secilin fëmijë. Nuk do të ketë probleme të tilla. Menaxhimi dot kryhet nga Agjencia e Parqeve dhe Rekereacionit’ tha ai.

Më herët, Kryetari i Bashkisë së Tiranës, në një postim në Twitter duke folur për këndin e lojrave për fëmijë tek parku i liqenit artificial, ka thënë se fokusi i bashkisë së Tiranës është puna e përditshme për qytetin.
 
Ai ka shtuar se, hyrja për në këndin e lojrave për fëmijë është tek Shtegu i qershive, ku ëhstë rehabilituar edhe djerrina.
 
Po ashtu, ai ka shkruar se në fund të ditës kur mbarojnë sherret pyetja që të gjithë bëjnë është; A bëmë punë të dobishme për qytetin?

Ja statusi i plotë i hedhur në Twitter nga kryetari i Bashkisë së Tiranës, Erion veliaj
Miremengjes? Gati per parkun e lodrave? Hyr nga Shtegu i Qershive ku @aprtirana sapo rehabilitoi me finese djerrinen
Ne fund te dites, kur mbarojne gjithe sherret, pyetja eshte a beme pune te dobishme per qytetin? Ky eshte fokusi yne











(Parku i fëmijëve tek Liqeni, fotot Antonio Çakshiri/Shqiptarja.com)  Foto të tjera