Zyrtarisht kemi hyrë në muajin e festave. Shumë prej qyteteve në Shqipëri kanë ndezur dritat duke i  uruar mirëseardhjen  festimeve të fundvitit.
 
Berati  jo vetëm ka ndezur dritat e festës por hapi edhe siparin e aktiviteteve që priten të zhvillohen gjatë këtij muaji.
 
Kryetari i bashkisë Petrit Sinaj ftoi të gjithë qytetarët të jenë prezente në qendër te qytetit, për të ndjekur aktivitetet kulturore dhe për të festuar së bashku.
 
Atmosfera e festave të fundvitit  ka nisur të ndihet edhe në qytetin e Fierit.  Sheshi Nënë Tereza  është ndricuar nga dritat që rrethonin  pemën e Krishtlindjeve   dhe jo vetëm .
 
Nën spektaklin e fishekzjarrëve  dhe në koncertin e zhvilluar kanë qënë pjesëmarrës qytetarë të shumtë.
 
 Pema e Vitit të Ri, është ndezur mbrëmjen e djeshme  edhe në Gjirokastër në sheshin Cerciz Topulli.
 
Qytetarë të shumtë  kanë marrë pjesë në ndezjen e dritave  duke sfiduar të ftohtinpor me shpresën se 2017 do të jetë një vit më i begatë.
 
Ndërkohë në kuadër të festave të fundvitit Ministri i Mjedisit  Lefter Koka priti fëmijët e punonjësve të Ministrisë së Mjedisit dhe institucioneve vartëse të tij.
 
Ministri Koka u shprehu fëmijëve urimin për një vit të mbarë dhe me ëndrra të realizuara .
 
Më pas ata së bashku me fëmijët ndezën dritat e Pemës së Krishtlindjes dhe Vitit të Ri të vendosur në ambientet e jashtme të Ministrisë së Mjedisit duke simbolizuar kështu hapjen e sezonit festiv të fundvitit.



dy.b/shqiptarja.com