Fier, u kap me 2 pistoleta, arrestohet 30 vjeçari! Pas kontrolleve i gjendet municion luftarak, mitraloz dhe 2 granata dore (EMRI)

FIER- Një 30 vjeçar është arrestuar nga policia në fshatin Cakran pasi iu gjetën 2 pistoleta në makinë dhe banesë. Në pranga ka rënë i riu Vjoni Gjoka. Në kuadër të operacionit të koduar “Risku” vijuan kërkimet në objektin në pronësi të të arrestuarit ku u gjet edhe një sasi e madhe armësh, mes tyre një mitraloz, granata dore dhe numër i madh fishekësh.

Fillimisht 30 vjeçari u ndalua për një kontroll në makinën e tij, që solli më pas të gjithë operacionin e policisë ku u zbulua arsenali i armëve.

Konkretisht u zbuluan dhe u sekuestruan në cilësinë e provës materiale:

-1 mitraloz të lehtë me fishekë në fole;

-20 krehra armësh zjarri pistoletë, të ndryshme;

-1krëhër automatiku;

-2 bomba dore (granata difensive);

-1 sasi të madhe municioni të kalibrave të ndryshëm;

-1 sasi fishekësh pistolete, të prodhuar në mënyrë artizanale;

-1 pistoletë gjurmëlënëse;

-2 radio si të Policisë;

-3 krehra disk për mitralozë të lehtë;

-5 celularë;

-1 GPS.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme procedurale.

Rendit zhvillimet sipas orarit:

Të Fundit Të Parat

B.V/Shqiptarja.com

TAG:
• Vjoni Gjoka
• arme zjarri
• Fier