POP 5

Lajmet më të lexuara të 5 minutave të fundit

Sociale

Fier, grupet e riskut po marrin vaksinën e gripit, shpërndahen 260 mijë doza në gjithë vendin! Specialistët: Parandalon format e rënda të virusit

Ashtu si në të gjithë vendin edhe në Fier, ka nisur fushata e vaksinimit antigrip. Specialistët e shëndetit publik thonë se pavarësisht se nuk kemi situatë të rënduar të shkaktuar nga gripi sezonal, vaksina është mënyra më e mirë për parandalimin e formave të rënda të gripit.

Prej 16 tetorit ka nisur fushata e vaksinimit antigrip dhe janë shpërndarë 260 mijë doza në të gjitha vendin.

Në Fier në të gjitha qendrat shëndetësore janë shpërndarë mbi 20 mijë doza. Drejtori I  shërbimit Publik  të rrethit Fier  Arbër Arapi  tregon se interesi më i lartë për të mbetet nga grupet e riskut ku përshihen dhe të moshuarit.

 “Aktualisht kemi një vaksinim të 75% të popullatës. Këtu përfshihen  grupet e riskut , personat 60 vjeç, me sëmundje kronike, obezët, punonjësit e policisë, personeli shëndetësor, arsimore  te gjitha këta përfshihen te kjo  grup popullate, te cilët duhen vaksinuar me vaksinën e gripit sezonal. Është një proces qe vazhdon dhe besoj se shumë shpejt do të mbyllen të gjitha dozat që kemi  marrë  ndoshta po themi që mund të jetë e nevojshme.”- tha Arbër Arapi , Doktor i shërbimit publik Fier.

Pavarësisht se nuk kemi situatë të rënduar të shkaktuar  nga gripi sezonal specialistët thonë se vaksina është mënyra më e mirë për parandalimin e formave të rënda të gripit.

“Situata ndaj virozave aktualisht, është një situate e qetë nga Covidi , por edhe nga gripi sezonal  nuk kemi një situatë epiodilogjike të shtuar, thjesht kemi raste sporadike, besoj se kjo vjen edhe për shkak të motit, i cili nuk ka qenë i ftohtë dhe nuk ka favorizuar përhapjen e gripit.”-tha Arapi.

Çdo vit kryhet vaksina e gripit në periudhën fund tetori-fillim nëntori. Çdo pacient që përfshihet te grupet e riskut  paraqitet në qendër shëndetësore dhe kryen këtë vaksinë falas.

M.T/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56